Medısına • 10 Maýsym, 2022

Belgili ortoped týa bitti jambas býynynyń shyǵýy boıynsha sheberlik saǵatyn ótkizdi

470 ret

kórsetildi

1 mın

oqý úshin

Álemge áıgili balalar ortopedi Mark Eıdelman Nur-Sultanǵa alǵash ret keldi. Professor №2 Kópbeıindi qalalyq balalar aýrýhanasy bazasynda balalar arasyndaǵy týa bitken jambas býynynyń shyǵýy boıynsha sheberlik saǵatyn ótkizdi. Trenıng aıasynda otandyq jáne sheteldik dárigerler 12 ota jasady, dep habarlaıdy Egemen.kz elorda ákimdiginiń resmı saıtyna silteme jasap.

Ajar QANATBEKQYZY

Belgili ortoped týa bitti jambas býynynyń shyǵýy boıynsha sheberlik saǵatyn ótkizdi

Elordalyq klınıkada Mark Eıdelman eki jambasy da shyǵyp ketken petropavldyq úsh jasar qyzǵa ota jasady.

«Bizdiń bólimshede tirek-qımyl apparatynyń týa bitken jáne júre paıda bolǵan patologııalary bar balalar em alady. Biz jańa týǵannan 18 jasqa deıingi balalardy emdeýmen aınalysamyz. Tájirıbe almasý bizge balalar travmatologııasyn úılestirýge kómektesedi», - dep atap ótti №2 Kópbeıindi qalalyq balalar aýrýhanasynyń balalar ortopedııasy bóliminiń meńgerýshisi Aǵabek Chıkınaev.

sap

Mark Eıdelman «Technion» Izraıl tehnologııalyq ýnıversıtetiniń professory bolyp jumys isteıdi. Sondaı-aq ol medısına ǵylymdarynyń doktory.

«Izraılde men mundaı jaǵdaılar boıynsha otalar jasamaımyn. Sebebi bizdiń elde bul sırek kezdesedi. Sheberlik saǵatynda óz bilimimdi áriptesterimmen bólisip, shetelde qoldanylatyn tehnologııany kórsetkim keldi», - dedi professor.

arnkvv Sheberlik saǵaty 6-8 maýsym aralyǵynda ótti. Mark Eıdelman qazaqstandyq ata-analardy ortopedterge ýaqytyly júginip, olardyń usynystaryn buljytpaı oryndaýǵa shaqyrdy.