Bolashaq búginnen bastalady

Memleket basshysy Nursultan Nazarbaevtyń atyna Iordanııa ýnıversıtetiniń rektory, professor Ehleıf Taraý­neden hat keldi, dep habarlady Prezıdenttiń baspasóz qyzmeti. О́z hatynda E.Taraýne «Qa­zaqstan-2050» Strategııasyndaǵy eldiń bolashaq damýyna degen kózqarasty zor qyzyǵýshylyqpen zerdelegenin aıtady. «Bul qujatta kórinis tapqan Siz­diń jańa ıdeıalaryńyz kóre­­gen ári ınnovasııalyq jospar­lar­men tolyǵa túsken, onda aıqyn ári naqty maqsattar qoıyl­ǵan. In­novasııalyq ındýstrııa­lan­dyrýǵa, aýyl sharýashylyǵyna, ǵylymǵa beıimdelgen ekonomıkaǵa, energııany tıimdi paıdalanýǵa jáne adamı resýrstar úshin ınvestısııa jumsaýǵa erekshe kóńil bóle otyryp,  Qazaqstan qazirgi álemde kóptegen túıtkilderdi sheshýdiń óte jaqsy úlgisin kórsetip keledi. Bul rette halqynyń barlyǵy birdeı ósip-órkendeı alatyn, jan-jaqty damyǵan qoǵamda ǵana ekonomıkalyq tabys múmkin ekeni de nazardan tys qalmaǵan», dep jazady avtor. Sondaı-aq,  professor Stra­te­gııa­nyń pragmatızmi men iskerlik rýhy búkil álemdegi kóptegen adam­nyń yntasyn oıatýǵa tıis degen pikirin bildirgen. «Osyndaı qujattardy kóp­te­gen úkimetter qabyldasa, tamasha bolar edi. Strategııamen tanysý barysynda men baıandaýdyń aıqyn­dyǵy men naqtylyǵyna, sondaı-aq, ǵasyr ortasy taıap qalǵany der kezinde qaperge salynǵanyna tán­ti boldym. Bárimiz bolashaqtyń búginnen bastalatynyn sezinýge tıispiz», delingen hatta.