Lıvandaǵy tusaýkeser

Qazaqstan Respýblıkasynyń Lıvandaǵy elshiligi «Qazaqstan-Lıvan qatynastary: 20 jyldyq tabysty seriktestik» kitabynyń tusaýyn kesti. Qazaq, arab jáne aǵylshyn tilderinde shyqqan kitapta eki el arasyndaǵy dıplomatııalyq qarym-qatynas ornatý tarıhy týraly baıandalǵan, saıası, saýda-ekonomıkalyq jáne mádenı baılanystar týraly aqparat usynylǵan. Eki eldiń joǵary laýazymdy tulǵalary Qazaqstan-Lıvan yntymaqtastyǵynyń bolashaǵy týraly óz pikirlerimen bólisken, sondaı-aq, kitapta qos eldiń qatynastary damýynyń hronologııalyq fotomaterıaldary jarııalanǵan. Kitaptyń tusaýkeseri Qazaq­stannyń Lıvanda turatyn kóptegen dostarynyń bastaryn qosty. Atap aıtqanda, is-sharaǵa úkimet ókilderi, parlamentarııler, kórnekti saıası jáne qoǵam qaıratkerleri, shetel dıplomattary, bıznesmender, jýrnalıs­ter, sondaı-aq, Qazaqstan-Lıvan dostyq qoǵamynyń músheleri qatysty. Qazaqstan Respýblıkasynyń Lıvan Respýblıkasyndaǵy elshi­si Bolat Sársenbaev óziniń sálem­deme sózinde birinshi kezekte Lı­vannyń saıası qaıratkerlerine usynylǵan kitapqa engen eki eldiń yntymaqtastyǵy týraly jazǵan jyly pikirleri úshin alǵysyn bildirdi. Sonymen qatar, birqatar máseleler boıynsha ózara túsinistik pen keli­sim­niń joǵary deńgeıine mán bere otyra, Qazaqstan men Lıvan­nyń ártúrli salalardaǵy qol jetkizgen jetistikterin atap ótti. Qabyldaýǵa qatysqan qo­naqtar qysqa merzim ishinde júzege asqan eki dostas memleket yntymaqtastyǵynyń joǵary deńgeıin atap ótti. «Egemen-aqparat».