Oqys oqıǵa № 5512 áskerı bóliminde bolǵan. Oblystyq densaýlyq saqtaý basqarmasynyń málimeti boıynsha, shaqyrtý saǵat 19.17-de túsken.
«2022 jyly 12 maýsymda saǵat 19.15-te kelisimshart boıynsha áskerı qyzmetshi qaza tapqan edi. Sol kúni ol bolǵan 5512 áskerı bóliminiń saıabaǵynda KamAZ áskerı júk kóliginiń dóńgelegi jaryldy. Onyń saldarynan qyzmetshimiz bas jaraqatyn alyp, mert boldy», dep jazylǵan QR Ulttyq ulany «Shyǵys» óńirlik qolbasshylyǵynyń habarlamasynda.
Oqıǵa saldarynan 1990 jyly týǵan jigit jaraqat alyp, qaıtys boldy.
Qazirgi tańda quzyrly organdar bul fakti boıynsha sotqa deıingi tergeý júrgizip jatyr. Tergeý qorytyndysy boıynsha qosymsha aqparat jarııalanady.
