Adam Smıt ınstıtýty Qazaqstan aýyldaryna ınvestısııa ákeledi

Qazaqstan Aýyl sharýashylyǵy mınıstrliginiń qoldaýymen Adam Smıt ınstıtýty 17-18 maýsym kúnderi Astanada Investısııalyq forým ótkizedi. Bul týraly Qazaqstannyń AQSh-taǵy elshiligindegi derekkózine silteme jasaǵan egemen.kz tilshisi habarlady Elshilik ókili Nurǵalı Arystanovtyń aıtýynsha, Adam Smıt ınstıtýty men «Qazagro» Ulttyq basqarý holdınginiń Aýyl sharýashylyǵy mınıstrliginiń qoldaýymen ótkiziletin forýmynyń maqsaty elimizdiń aýyl sharýashylyǵy sektoryna ınvestısııa tartý bolmaq. Agroónerkásiptik keshendi damytýdyń salaaralyq «Agrobıznes-2020» baǵdarlamasy aıasynda keshen sýbektileriniń básekege qabilettikterin joǵarylatýda máni bar bul forýmnyń mańyzdy spıkerleri­  Qazaqstan Aýyl sharýashylyǵy mınıstri Asyljan Mamytbekov, «QazAgroQarjy» AQ tóraǵasy Ǵumar Rahymjanov, «QazAgro» tóraǵasy Dýlat Aıtjanov bolady dep kútilýde. Sonymen birge, Adam Smıt ınstıtýtynan 15 jyl boıyna sarapshylar tobyna tabysty jetekshilik etýshi, bas sarapshy Alan Býlon baıandama jasaıdy. Anar Tóleýhanqyzy. Derekkóz: egemen.kz. Foto: kapital.kz.