ShQO TJD baspasóz qyzmetiniń habarlaýynsha, Semeı qalasynyń Fızkýltýra kóshesindegi toǵyz qabatty turǵyn úıde órt shyqty. Altynshy qabattaǵy páterde jıhaz ben jeke zattar órtendi.
«Oqıǵa ornyna jedel kelip, 6-qabatqa deıin avtosatyny ashyp, órt sóndirýshiler 2006 jáne 2008 jyly týylǵan eki balany qutqardy. Ýlaný belgileri bolǵandyqtan, olar medısınalyq mekemege jetkizildi. Taǵy 34 turǵyn, onyń ishinde 14-i balalar, baspaldaq marshy arqyly qutqaryldy. 1980 jyly týǵan, balalaryna kómektesýge tyrysqan páter ıesi kúıik shalyp, aýrýhanaǵa jatqyzyldy. Sondaı-aq órt sóndirý qyzmetiniń qyzmetkerleri qaýipti aımaqtan 50 adamdy, onyń ishinde 16 balany evakýasııalady. О́rtti sóndirýge jeke quramnan 40 adam jáne 10 birlik tehnıka jumyldyryldy», delingen baspasóz habarlamasynda.
