«Qazir «Eńbek qaýipsizdiginiń ekonomıkalyq problemalary jáne Qazaqstan Respýblıkasyndaǵy saqtandyrý mehanızmin ınstıtýsıonaldy túrlendirý» taqyrybynda ǵylymı-zertteý jumysy júrgizilip jatyr. Onyń nátıjesinde 2023 jyly 2025 jylǵa deıingi Qazaqstan Respýblıkasynda eńbek qaýipsizdigin qamtamasyz etý jónindegi is-qımyl josparynyń 12-1 tarmaǵyna sáıkes, О́ndiristegi jaraqattyń aldyn alý jáne óndiristegi jazataıym oqıǵalardan mindetti túrde saqtandyrý tetikterin jetildirý jónindegi zań jobasynyń tujyrymdamasy ázirlenedi», dedi Eraly Toǵjanov.
Onyń aıtýynsha, óndiristegi jazataıym oqıǵalardyń saldarynan múgedek bolyp qalǵan tulǵalardy áleýmettik qorǵaý maqsatynda úsh kózden áleýmettik tólem qarastyrylǵan. Respýblıkalyq bıýdjetten múgedektigi boıynsha memlekettik áleýmettik járdemaqy, Memlekettik áleýmettik saqtandyrý qorynan eńbek qabiletin joǵaltýyna baılanysty áleýmettik tólem jáne zardap shegýshi «Jumysshynyń eńbek mindettemesin oryndaý barysynda jazataıym oqıǵalardan zardap shekken jaǵdaıda mindetti áleýmettik saqtandyrý týraly» zańǵa sáıkes saqtandyrylǵan jaǵdaıda saqtandyrý kólemi júzege asyratyn zalaldy óteý tólemi jasalady.
Al eger zardap shegýshi saqtandyrylmaǵan jaǵdaıda zalaldy óteý tólemin jumys berýshi óteıdi.
