Oblys ortalyǵyndaǵy «Araı» móltek aýdanynda 3 jasar sábı 4-qabattan qulap, aýrýhanaǵa jetkizildi. Qazir balanyń jaǵdaıy jaqsy. Oqıǵa boıynsha polısııa qyzmetkerleri tekseris jumystaryn júrgizip jatyr. Keıingi jyldarda qalada balalardyń kópqabatty turǵyn úı terezesinen qulap ketý jaǵdaıy jıi tirkelýde.
«Bıyl mundaı 3 jaǵdaı tirkelgen. Byltyr 10 bala terezeden qulap, onyń ekeýi qaza tapty. Osy sebepti jaz boıy tótenshe jaǵdaılar departamentiniń qyzmetkerleri qala turǵyndaryna túsindirme jumystaryn júrgizedi», dedi Qyzylorda qalasy Tótenshe jaǵdaılar basqarmasynyń bastyǵy Jasulan Túımebaev.
