Sky News aqparatyna sáıkes, quqyq qorǵaý toptary, qarý-jaraqty baqylaýshylar men memlekettik muǵalimder kásipodaǵy bul sheshimge qarsy bolǵan. Bastamany birneshe polısııa bólimsheleri men mektep basshylary ǵana qoldady.
24 saǵattyq oqytýdan ótkennen keıin muǵalimderge jyl saıyn 8 saǵattyq kýrstan ótý qajet bolady.
Shtat gýbernatory Maık Devaınnyń aıtýynsha, oqýshylardyń qaýipsizdigin qamtamasyz etý maqsatynda basqa da sharalar qabyldandy. Máselen, Ogaıo shtatynda mektepterdegi qaýipsizdik sharalaryn jaqsartý úshin 100 mıllıon dollar jáne kolledjder úshin 5 mıllıon dollar bólindi.
Sonymen qatar shtat bıligi jasóspirimder arasyndaǵy psıhıkalyq densaýlyq máselelerin sheshý úshin qosymsha 1,2 mıllıard dollar bólgen.
Gýbernator jańa zań mektepterge naqty jaǵdaılarǵa baılanysty eń jaqsy sheshim tańdaýǵa múmkindik beretinin atap ótti.
Degenmen, muǵalimderdiń qarý alyp júrýi mindetti emes, bul shara erikti ekendigi atap ótildi.
Qabyldanǵan zańǵa jaýap retinde demokratııalyq partııanyń ár túrli qalalarynyń bir top merleri respýblıkalyq saıasatkerlerdiń qarýdy baqylaýdyń basqa nusqalaryn qarastyra almaıtynyn synǵa aldy.
