Qazirgi tańda Mádenıet jáne sport mınıstrligi Qazaqstannyń IýNESKO jáne ISESKO isteri jónindegi Ulttyq komıssııasy janyndaǵy Materıaldyq emes mádenı muralar jónindegi ulttyq komıtet sarapshylarynyń qatysýymen IýNESKO-nyń adamzattyń materıaldyq emes mádenı murasynyń reprezentatıvtik tizimine qazaqtyń halyq bıi «Ortekeni» engizý boıynsha jumystardy júrgizýde.
Aıta keteıik, «Orteke» halyq bıiniń qýyrshaq teke, bıshiler toby, jeke bıshi oryndaıtyn úsh túri bar. Kópshilikke usynylǵan beınerolıkte qýyrshaq teke nusqasy berilip otyr. Al bıdi oryndaýshy – Nur-Sultan qalasy ákimdiginiń Erkeǵalı Rahmadıev atyndaǵy Memlekettik akademııalyq fılarmonııasynyń «Qorqyt» etnoansambli men SHOLPAN KORGANBEK óner stýdııasynyń jas mýzykanttary (kórkemdik jetekshisi Sholpan Qorǵanbek).
