BQO polısııa departamentiniń baspasóz qyzmetinen málim etkendeı, oqıǵa 16 maýsymǵa qaraǵan túni saǵat 23.50-de Samara-Shymkent avtojolynda Terekti aýdany Podstepnyı aýyly baǵytynda boldy.
«Polısııa beketine jetpeı bolǵan jol apatynan motosıkldiń 1988 jylǵy júrgizýshisi oqıǵa ornynda kóz jumdy. Jeńil kóliktiń 1977 jylǵy júrgizýshisi túrli dene jaraqattarymen jáne súıek synyqtarymen aýrýhanaǵa jetkizildi. Qazir atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde», dep habarlady vedomstvodan.
Kólikterdiń qandaı jyldamdyqpen júrgeni, basqa da mán-jaı tergeý barysynda anyqtalady.
BQO densaýlyq saqtaý basqarmasy baspasóz qyzmetiniń naqtylaýynsha, oblystyq kópbeıindi aýrýhanaǵa jetkizilgen 1977 jylǵy er adamnyń aldyn ala dıagnoz boıynsha omyrtqasy synǵan.
