Bul jaıynda Prezıdent Qasym-Jomart Toqaev Ulytaýda ótken Ulttyq quryltaı kezinde málimdedi.
«Qadirli aǵaıyn, Quryltaıdy barsha jurtymyz úshin jaǵymdy jańalyqpen aıaqtaǵym kelip otyr. Keshe dańqty kompozıtor Shámshi Qaldaıaqovqa «Qazaqstannyń Eńbek Eri» ataǵy berilgenin bilesizder. Ol – Ánuranymyzdyń avtory, Ult rýhanııatynda erekshe orny bar asa kórnekti tulǵa. Birtýar sazgerge qurmet kórsetý – perzenttik paryzymyz. Shámshini halqymyz «Qazaq valsiniń koroli» dep qadirleıdi. Shámshiniń ánderi qashanda halyqtyń júreginde, eshqashan qundylyǵyn joımaıdy. Onyń aqyn Muhtar Shahanovpen birlesip jazǵan ánderi elge keńinen tanymal. Áıgili kompozıtor men ataqty aqynnyń dostyǵy – barsha jurtqa úlgi. Jaqynda Shámshiniń ini-dosy Muhtar Shahanov seksen jasqa tolady. Onyń shyǵarmashylyq eńbegi qandaı qurmetke de laıyqty. Ol – óte shynshyl, adal, ultjandy adam. Men búgin Muhtar Shahanovqa «Qazaqstannyń Eńbek Eri» ataǵyn berý týraly Jarlyqqa qol qoıdym. Elimizdiń eń joǵary marapatyn aqynǵa Ult uıasy – Ulytaýdyń tórinde tapsyrǵandy jón kórdim», dedi Qasym-Jomart Kemeluly.
