Is-sharaǵa memlekettik organdardyń qyzmetkerleri, medısınalyq qoǵamdastyq ókilderi jáne elimizdiń ǵalymdary qatysty.
Vıse-premer Memleket basshysynyń medısına qyzmetkerleri kúnine oraı resmı quttyqtaýyn oqyp berdi.
Vıse-premer óz sózinde Memleket basshysynyń qoldaýynyń arqasynda elimizdegi medısına deńgeıi jyl saıyn damyp kele jatqanyn atap ótti.
Sondaı-aq koronavırýs ınfeksııamen kúreste aldyńǵy shepte júrgen árbir medısına qyzmetkeriniń qajyrly eńbeginiń arqasynda eldiń turaqty áleýmettik-ekonomıkalyq damýy qamtamasyz etilgenin atap ótti.
«Memleket medısına qyzmetkerlerin qoldaý boıynsha birqatar sharalar qabyldap jatyr. Jalaqy ósti, halyqaralyq standarttarǵa sáıkes keletin eńbek jaǵdaılary jasaldy. Biz densaýlyq saqtaý júıesindegi jetistikterimizdi maqtan tutamyz, biraq bunymen shektelmeımiz. Medısına qyzmetkerleri jumysynyń nátıjeleri tikeleı áleýmettik áserge ıe ekenin atap ótkim keledi, oǵan naqty adamdardyń ómiri ǵana emes, jalpy qoǵamnyń turaqtylyǵy da táýeldi», dedi Eraly Toǵjanov.
Sonymen qatar ol pandemııa eldi vaksınalarmen, dári-dármekpen jáne zamanaýı medısınalyq jabdyqtarmen qamtamasyz etý qajettiligin kórsetkenin aıtty.
«Sonymen qatar biz aldymyzǵa 2025 jylǵa qaraı otandyq óndiristegi dárilik zattar men medısınalyq buıymdardyń úlesin 17-den 50%-ǵa deıin arttyrý jóninde naqty mindet qoıdyq. Ol úshin Úkimet deńgeıinde arnaıy keshendi jospar qabyldandy. COVID-19 pandemııasy kezeńinde densaýlyq saqtaý júıesiniń olqylyqtaryn eskere otyryp, biz epıdemıologııalyq boljaý men den qoıýdyń qazirgi zamanǵy júıesin qalyptastyrýǵa baǵyttalǵan jumysty kúsheıttik. Memleket basshysynyń tapsyrmalaryn iske asyrý aıasynda «Bıologııalyq qaýipsizdik týraly» QR Zańy qabyldandy», dep atap ótti E. Toǵjanov.
Is-shara barysynda QR Densaýlyq saqtaý mınıstri Ajar Ǵınaıat dárigerlerdi merekemen quttyqtady. Ol elimizdiń medısına qyzmetkerleriniń atynan Memleket basshysy men el Úkimetine medısına salasyn qoldaǵany úshin alǵys aıtty.
Eraly Toǵjanov óz sózin qorytyndylaı kele, medısına qyzmetkerlerine kásibı sheberligi men kúndelikti qajyrly eńbegi úshin taǵy alǵys bildirdi.
