Elorda • 19 Maýsym, 2022

Elordada Nur-Sultan Half Marathon jarysy ótti

Búgin elordada Nur-SultanHalf Marathon-2022 jarysy uıymdastyryldy, dep habarlaıdy Egemen.kz qala ákimdiginiń saıtyna silteme jasap.

Janbolat Kenjeǵul

Marafonǵa Qazaqstan men álemniń 24 elinen sportshylary jınaldy.

Tańerteńnen bastap EKSPO aldyndaǵy alańda Nur-SultanHalf Marathon qatysýshylary bas qosty. Olar ujymdyq jattyǵýlar ótkizip, bir-birin jigerlendirdi.

Jarysqa qatysýshylar 21.1 km,10 km jáne 10 km skandınavııalyq júris qashyqtyǵy boıynsha baq synady.

Jol Halyqaralyq marafondar men júgirister qaýymdastyǵymen resmı túrde sertıfıkattalǵan.

Nurqat Narıman esimdi azamat marafonǵa qatysý úshin elordaǵa Semeıden arnaıy kelgen.

«Men elordadaǵy marafonǵa ekinshi ret qatysyp otyrmyn. О́zimniń daıyndyǵymdy ortasha dep baǵalaımyn, óıtkeni jumys isteýge kóp ýaqyt bolmady. Biraq bári jaqsy bolady dep oılaımyn. Men ózim úshin júgiremin, búkil qashyqtyqty júgirýdi maqsat ettim. Barshańyzdy osyndaı marafondarǵa, sportqa qatysýǵa shaqyramyn. Salaýatty ómir saltyn birge júrgizeıik. Barlyq qatysýshylarǵa tek jaqsylyq pen densaýlyq tileımin», dedi Nurqat.

Marafonǵa Nur-Sultan, Almaty, Qaraǵandy, Pavlodar, Shymkent qalalarynan 4 myńnan astam áýesqoı sportshy, sondaı-aq álemniń 24 elinen, sonyń ishinde Reseı, Ýkraına, Qyrǵyzstan, О́zbekstan, Belarýs, AQSh, Ońtústik Koreıa, Ulybrıtanııa, Germanııa, OAR, Efıopııa jáne Jańa Zelandııa elderinen qatysýshylar kelgen.

«Bul marafonǵa maqsatty túrde eki apta daıyndaldym. Kóńil-kúı keremet, búgin aýa-raıy da jaqsy. Barlyǵy óz densaýlyǵymyz úshin jasalady. Biz kompanııadan 21 km qashyqtyqqa júgiremiz. osy jyly Túrkııada men 2 saǵatta birdeı qashyqtyqty eki ret júgirdim. Barshańyzǵa densaýlyq tileımin, sportpen shuǵyldanyńyz, osyndaı jarystarǵa qatysyńyz jáne rekordtaryńyzdy jańartyńyz», dedi elorda turǵyny Danııar Irgýsaev.

21.1 km qashyqtyqta absolıýtti jas sanatynda jeńimpazdarǵa aqshalaı júlde, medaldar, gramotalar jáne baǵaly syılyqtar berildi. Atap aıtqanda, 1 oryn – 450 000 teńge, 2 oryn – 400 000 teńge, 3 oryn-350 000 teńge.

Is-shara kezinde qaýipsizdik, saqtyq jáne tazalyq jumystary tııanaqty uıymdastyrylǵan.

Jartylaı marafondy uıymdastyrýshylar – «Birinshi bolý-batyldyq» korporatıvtik qory, «WorldClassAlmaty» fıtnes-klýby, Akademık Sh.Esenov atyndaǵy ǵylymı-bilim berý qory jáne «Drýgoı ty» mýltısporttyq Youtube-arnasy.

Aıta ketsek, is-shara elorda ákimdiginiń qoldaýymen ótkizildi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz