Qazaqstan • 19 Maýsym, 2022

Dárigerlerge suranys eki ese ósti

590 ret kórsetildi

Byltyr Memleket basshysy Atyraý oblysynyń áleýmettik-ekonomıkalyq damý máseleleri jónindegi keńeste maman tapshylyǵy máselesine toqtalyp, «Bilikti mamandardyń tapshylyǵy da jaǵdaıdy ýshyqtyryp otyr. Oblysta 207 dáriger jetispeıdi. Sonyń ishinde, aýyldyq jerlerge 52 dáriger qajet», degen edi. Bul bir ǵana óńirdegi jaǵdaı. Al el aýmaǵyndaǵy jalpy kórsetkishti bireý bilse, bireý bile bermeıdi.

Tapshylyq jaı ǵana bar emes, keıingi kezde eki ese artyp otyr. Máselen, kúni keshe Respýblıkalyq bıýdjettiń at­qa­rylýyn baqylaý jónindegi esep komı­teti keıingi 5 jylda elimizdegi medısına kadrlarynyń jalpy tapshy­lyǵy eki ese ósip, 23,1 myń birlikke jetkenin anyqtady. Bul rette, maman tapshylyǵyn azaıtý maqsatynda dárigerler bir emes, birneshe laýazymdy qosa atqaryp keledi. Sonyń saldarynan densaýlyq saqtaý salasy qyzmetkerleriniń júktemesi artady. Buǵan qosa, kórsetiletin medısınalyq kómektiń sapasyna da teris áserin tıgizedi. Júktemeniń artqany aq halattylardy jumysty júrdim-bardym isteýge ıtermeledi me, joq álde ózge de sebepteri boldy ma, áıteýir 2020-2021 jyldary medısına qyzmetkerleri men densaýlyq saqtaý uıymdarynyń ústinen túsken shaǵymdar eki ese ósti.

Bul az deseńiz, Esep komıteti júr­gizgen memlekettik aýdıttiń nátıjesinde atalǵan salada barlyǵy 5 825,6 mln teńge somasynda qarjylyq buzý­shylyqtardy (onyń ishinde býhgalterlik esepti júrgizý jáne qarjylyq eseptilikti jasaý kezindegi buzýshylyqtar – 5 058,0 mln teńge), 7 541,8 mln teńge somasynda bıýdjet qarajatyn tıimsiz josparlaý men tıimsiz paıdalanýdy, 61,2 mln teńgege yqtımal shyǵyndar men jiberip alǵan paıdany, sondaı-aq 151 rásimdik buzýshylyqty anyqtady. Árıne, Esep komıteti anyqtaǵan olqylyqtar men kemshilikter bul salada atqarylyp jatqan qyrýar jumys pen esil eńbekti túp-tuqııanymen joqqa shyǵarady degen sóz emes. Tek, medısına salasynda da mańyzdy problemalar barynyń qaperden shyǵarmaǵan jón. Ata Zańnyń alǵashqy babynda memleketimizdiń eń qymbat qazynasy – adam jáne adamnyń ómiri ekeni anyq jazylyp tur. Kemshilikterdi keleshektiń enshisine qaldyryp, sheshimin búginnen izdemesek, aqyr-sońynda san soǵyp qalýymyz bek múmkin. Buǵan jaýapty organdar budan bylaı máseleni maıshammen qaraıdy degen úmittemiz.

Sońǵy jańalyqtar

Túrkistanda 200-deı úı jylýsyz qaldy

Aımaqtar • Búgin, 18:15

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Uqsas jańalyqtar