PARLAMENTTIK DOSTYQ DAMÝ ÚSTINDE

Qazaqstan men Izraıl ara­syn­daǵy ekijaqty qarym-qatynastarda saıası baılanystardyń ajyramas bólshegi bolyp tabylatyn parla­ment­aralyq qatynastar úılesim taýyp keledi. Knesset depýtaty, par­lamentaralyq “Izraıl-Qa­zaqstan” dostyq assosıasııasynyń tóraıymy Faına Kırshenbaýmnyń qazaqstandyq senatorǵa, Halyq­ara­lyq qatynastar, qorǵanys jáne qaýipsizdik komıtetiniń tóraǵasy Qýa­nysh Sultanovqa arnaǵan sózin­de saıası, saýda-ekonomıkalyq, ǵy­ly­mı-tehnıkalyq jáne mádenı-gý­ma­nıtarlyq salalardaǵy ózara is-qı­myldy óristetýde parlamentara­lyq únqatysýdyń róli atalyp ótildi. “Daǵdarystan keıingi ósý, eko­nomıkanyń jedel ártaraptanýy, adam kapıtalyna ınvestısııa ja­saý, halyq ómiriniń sapasyn jaq­sar­tý, halyq birligi men ulttyq qaýip­sizdikti nyǵaıtý. Prezıdent Nursultan Nazarbaevtyń “Jańa onjyldyq – jańa ekonomıkalyq órleý – Qazaqstannyń jańa múm­kin­dikteri” Joldaýynda Qazaqstan bas­shysynyń taıaý 10 jylǵa belgi­len­gen osyndaı negizgi baǵyttary naqty kórinedi, olar Izraılde túsinistik pen qoldaý taýyp otyr”, – dep jazady Knesset depýtaty. Qazaqstan burynnan halyqara­lyq nazarǵa alynyp keledi. Elimiz ben Prezıdent N.Nazarbaevtyń halyqaralyq qoǵamdastyqta eleýli túrde ósip kele jatqan bedeli týraly, saıası jáne ekonomıkalyq reformalardyń tanylýy týraly EQYU-ǵa qazirgi tóraǵalyq etýimen dáleldenip otyr. Islam álemi de Qazaqstandy, onyń ishinde Ortalyq Azııa aıma­ǵyn­daǵy jetekshiligin tanıdy. Mu­sylman elderimen shekaralasatyn­dyq­tan, biz úshin musylman ále­mi­men de baılanystar asa mańyzdy. “Knesset depýtaty jáne Izraıl-Qazaqstan parlamentaralyq asso­sıasııasynyń tóraıymy retinde men Qazaqstanda jıi bolamyn, – dep jazady F.Kırshenbaým. – Sa­par kezinde men Senat jáne Má­ji­lis depýtattarymen, saıasatkerler­men jáne is adamdarymen kezde­se­min, ná­tıjege qol jetkizýge jáne ult­ara­lyq teńdikti saqtaýǵa baǵyt­tal­ǵan ulttyń kóńil-kúıi unaıdy”. “Ústimizdegi jyly, kúzde biz qa­zaq­standyq depýtattardy Izraıl­de kútemiz”, deı otyryp, ol Qa­zaq­stan ekonomıkasyn jedel ın­dýs­trııalyq-ınnovasııalyq damytýdyń memlekettik baǵdarla­ma­syn júzege asyrýdy qoldaýǵa ızraıl jaǵy­nyń ázirligin atap ótti. F.Kırshenbaýmnyń pikirinshe, saýda-ekonomıkalyq yntymaq­tas­tyq jónindegi úkimetaralyq Qa­zaq­stan-Izraıl komıssııasynyń 5 otyrysynda ónerkásip, máshıne jasaý, medısına, bilim berý, aýyl sharýashylyǵynda osyndaı ynty­maq­tastyqtyń qajettigi naqty­landy. “Bizde dástúrli jyly shyraıly jáne dostyq negizindegi qaty­nas­tar­dy damytýǵa barlyq múmkin­dikter bar. Bizdi kóptegen jaǵ­daı­lar: tildiń ortaqtyǵy men tinniń uqsastyǵy baılanystyrady. Men bizben tatý Qazaqstan halqyna ta­bystar men órkendeý tileımin”, – dedi óz sózinde parlamentaralyq “Izraıl-Qazaqstan” dostyq assosıasııasynyń tóraıymy, dep habarlady Parlament Senatynyń baspasóz qyzmeti.