«Taraptar ekonomıkany ártaraptandyrý, álemdik naryqtaǵy qazirgi jaǵdaıda kólik-logıstıka salasyn damytý boıynsha ekijaqty ózara is-qımyldyń keń aýqymdy máselelerin qozǵady, sondaı-aq joǵary deńgeıdegi Qazaqstan-Qatar birlesken komıssııasy sheńberinde saýda-ekonomıkalyq, ınvestısııalyq jáne mádenı-gýmanıtarlyq salalarda qol jetkizilgen ýaǵdalastyqtardy iske asyrý máselelerin talqylady», delingen habarlamada.
2020 jyldyń aqpan aıynda ótken Komıssııanyń sońǵy otyrysynda birqatar kelisimderge qol jetkizildi.
Atap aıtqanda, Qatar ınvestısııalyq qorynyń, arab eliniń memlekettik jáne jeke kompanııalarynyń Qazaqstanǵa ınvestısııa salý, onyń ishinde QR jekeshelendirý baǵdarlamasyna qatysý. Aýyl sharýashylyǵy ónimderiniń eksportyna/ımportyna baılanysty problemalyq máselelerdi sheshý úshin jumys tobyn qurý.
Qatar bıligi avıasııa jáne týrızm salasyndaǵy yntymaqtastyqqa da múddeli.
Kezdesý qorytyndysy boıynsha taraptar saýda-ekonomıkalyq baılanystardy odan ári damytý qajettiligin atap ótti.
Sonymen qatar, QR UEM basshysy Qatar Investment Authority - Qatar ınvestısııalyq qorynyń óńirlik basqarýshysy sheıh Faısal Tanı Ál Tanımen kezdesý ótkizdi.
Kezdesý barysynda ınvestısııalyq yntymaqtastyq, sondaı-aq iskerlik baılanystardy jandandyrý máseleleri talqylandy.
Á.Qýantyrov atap ótkendeı, Qazaqstan sheteldik ınvestorlar úshin árdaıym ashyq. Bizdiń elimiz bolashaqta da seriktester aldyndaǵy óz mindettemeleri men kepildikterin tolyq kólemde oryndaıtyn bolady.
О́z kezeginde sheıh Faısal Tanı Ál Tanı Qazaqstannyń ınvestısııalyq jobalaryna qyzyǵýshylyq tanytty.
Aıana Toǵanbek
