Astana opera – Rýdnyı sahnasynda

Teatrdyń gastroldik repertýarynda eresek kórermendermen qatar, balalarǵa arnalǵan qoıy­lymdar da bar. Kenshiler qala­syndaǵy kishkentaı kórermenderge arnalǵan «Mýzyka álemi» atty ınteraktıvti kesh barysynda teatr mýzykanttary skrıpka men úrmeli aspaptarda oınaýdan sheberlik synyptaryn ótkizip, soprano men bas aralyǵyndaǵy daýys erek­shelikterin túsindirdi.

Jalpy, kórermenge arnalǵan «Jibek saty» operalyq dramatýr­gııasy Italııa tilinde qoıyl­ǵa­nyna qaramastan, kópshilik shy­ǵarmaǵa tereń boılap, opera keıipkerlerimen birge qaıǵyryp, birge qýanyp otyrdy. Teatr reper­týaryna 2019 jyly qosylǵan Dj.Rossınıdiń bul týyndysy óner synshylary tarapynan da joǵary baǵalanypty. Ope­ra­lyq shyǵarmadaǵy bas partııa­ny teatr­dyń jetekshi solısi, Qazaq­stannyń eńbek sińirgen ártisi Ja­nat Baqtaı oryndady.

– Rýdnyı kórermenderiniń aldyna alǵash shyǵyp otyrmyz. «Jibek saty» operasy kameralyq zalǵa arnalǵan. Iаǵnı qoıylymǵa shaǵyn sahna qajet. Týyndy shaǵyn, gastrolderge yńǵaıly bolǵanymen, mazmuny baı. Ári kórermen de ony jyly qabyldap, kópke deıin esinde saqtaıdy. Bizge osyndaı túrli sahnalarda óner kórsetip, kórermenniń kóńilinen shyǵýdyń ózi bir ǵanıbet, – deıdi Janat Baqtaı.

Atalǵan spektakldegi ózge partııalardy opera maıtalmandary men halyqaralyq Astana Opera akademııasynda tálim alyp júr­gen talantty jastar shyr­qady. Máselen, Dorvıldti Artýr Gab­dıev, Dormontty Ramzat Balak­shıev oryndasa, Djermano beı­nesin Altynbek Ábilda somdap shyqty. Blanzak pen Lıýchılla par­tııalaryn opera teatrynyń so­lısteri Evgenıı Chaınıkov pen Tatıana Vısınskaıalar shyrqady. Spektakldi Qazaqstannyń eńbek sińirgen qaıratkeri Astana Opera teatry­nyń Abzal Muhıtdın je­tek­shilik etetin kameralyq orkes­tri súıemeldedi.

Teatrdyń gastroldik sapary osy aıdyń sońynda Aqtóbe qala­synda túıindeledi.

Qostanaı oblysy