«Búgin Aıda Balaeva hanymmen kezdestim. Osy kezdesýge arnaıy ýaqyt bólgeni úshin Aıda Ǵalymqyzyna alǵys aıtamyn.
Bizdiń delegasııanyń quramyn QShF Prezıdenti Ǵalym Qusaıynov jáne onyń orynbasary Dármen Sádýaqasov anyqtady. Sol sebepti bolsa kerek, delegasııa quramyna er azamattar men quramanyń bas bapkeri P.M.Kosýr da kirmedi. Tek áıelder quramasy jáne Qusaıynov pen Sadýaqasov endi.
Bizdi tanystyrǵan kezde QShF jańa prezıdenti meni qandaı da bir sebeptermen tanystyrmady. Atym atalmady, ózimdi sol jerde joq adamdaı sezindim. Elenbegenim meıli, komandadaǵy basqa qyzdarǵa laıyqty minezdeme berip, maqtaı kele meni tuqyrtqysy keldi.
Aıda Ǵalymqyzymen burynnan tanys edim jáne meniń ókpe-renishimniń sizge qatysy joq. Kerisinshe, Siz bul azamattarǵa áıel adammen ózin sypaıy, ıntelegentti túrde áreket etý kerek ekenin eske salǵanyńyz úshin rızamyn.
Búgin eń sońǵy mınýtqa deıin bizdi Olımpıada oıyndary úshin mınıstrmen kezdesýge alyp kele jatqanymyzǵa senimdi boldym. Sóıtsem Dármen Sádýaqasov pen onyń basshysy Qazaqstandyq shahmat federasııasynyń bıýrokrattary úshin 3 mıllıard teńge suraýǵa alyp kelgen eken.
Osy uıatsyz spektakldiń qatysýshysy bolǵanym úshin uıalyp turmyn. Búgin basty daıyndyq boldy. QShF basshylyǵy erteń el prezıdenti Qasym-Jomart Kemelulymen kezdesýge premeralyq kórsetilimdi daıyndap jatyr.
Men úshin bul-óte uıat jaǵdaı. Men – sportshymyn. Sportshy bolyp qalǵym keledi. Men chempıondardan «qaıyrshy» jasaýǵa tyrysatyn adamdardyń áreketinen uıaldym. Federasııa Prezıdenti men vıse-prezıdentin moıyndaýdan bas tartamyn. Qazaqstan quramasynyń múshesi, shahmatshy jáne naızaǵaıly shahmattan qazirgi álem chempıony retinde federasııaǵa 3 mıllıard teńge qajet emes dep málimdeımin», dep jazdy ol.
