Qoǵam • 22 Maýsym, 2022

Polısııanyń jańa modeli

494 ret kórsetildi

Qoǵamnyń da, halyqtyń da qorǵany – polıseı. Memleket tarapynan saladaǵy quqyqtyq reformaǵa aýqymdy qoldaý kórsetilip keledi. Al ishki ister organynda qandaı reforma engizildi? Onyń nátıjesi neshik?

Kollajdy jasaǵan Qonysbaı ShEJIMBAI, «EQ»

Atyraý oblystyq polısııa de­parta­menti­ basshysynyń orynba­sary Berik Amangeldiniń aıtýyn­sha, «Polısııanyń servıstik modeli» qanatqaqty jobasyn engizýdiń úsh ne­gizgi baǵyty aıqyndalyp otyr. Birin­shisi – azamattardyń polısııaǵa qol­jetimdiligin barynsha jeńildetýge ba­ǵyttalǵan qadam. Ekinshi baǵyt – qaýip­sizdikti qamtamasyz etý jáne quqyq bu­zýshylyqtardyń aldyn alý. Úshin­shiden, bul – turǵyndarmen tyǵyz baılanys.

– О́ıtkeni qaýipsizdikti qamtama­syz etý problemasyn tıimdi sheshý jer­gilikti qoǵamdastyqtyń belsendi qoldaýymen ǵana múmkin bolady. Osy baǵytta ýchaskelik polısııa ınspektorlary turǵyndarmen júıeli túrde kezdesýler ótkizip júr, – deıdi Berik Amangeldi.

Al shtab basqarmasy bastyǵynyń orynbasary Altynbek Qaıyrlıevtiń málimetinshe, Atyraý qalasynyń aýma­ǵynda 3 507 beınebaqylaý kamerasy ornatylǵan. Onyń 759-y jedel basqarý ortalyǵyna tıesili bol­sa, «Sergek» jelisinde 1 997, «In­tegrasııa» júıesinde 750 ka­mera bar. Beınekameralar kólik qoz­ǵa­ly­synyń júrisin jedel ba­qy­lap, qaýip­ti jaǵdaılardyń aldyn alýǵa, quqyq buzýshylyqtyń izin sýyt­paı anyqtaýǵa yqpal etedi. Kóshe­ge or­natylǵan kameralardyń po­lısııa­ jumysynyń tıimdiligin art­ty­­rýǵa, túrli qylmystyń jedel ashy­lýyna septigi tıip otyr. Máselen, jyl basynan beri jedel basqarý orta­ly­ǵynyń beınebaqylaý kezekshi-ıns­pek­torlary 111 qylmysty áshke­re­ledi. Al Jylyoı aýdanynda 2 qyl­mys izi sýymaı ashylǵan. Jyl ba­synan beri atalǵan kameralar ar­­qyly 8 671 ákimshilik quqyq buzý­shylyq anyq­talǵan. Quqyq buzýshy­lyq­tyń 7 522-si Atyraý qalasynyń aýma­ǵynda, 1 149-y Jylyoı aýdanynda tirkelgen.

– Bizdiń oblysta «Qorǵaý – qaýip­ti júrgizýshi» mobıldi qosymsha­sy iske qosyldy. Bul – jol ereje­sin tıimdi baqylaýǵa, jazany bultart­paý qaǵıdatyn saqtaýǵa arnal­ǵan av­tomatty júıe. Mobıldi qosym­shamen jumys isteý úshin polısııa qyzmetkerleri jańa úlgidegi 100 plan­shetpen jabdyqtaldy. Qa­zir oblys joldarynda 1 224 myń­ av­tomatty kamera bar. Onyń 51-i jol qıylystarynda, 153-i je­li­lik ýchas­kelerde ornalasqan. Ka­me­ra­lar­dyń kómegimen jyl saıyn 120 myńǵa jýyq jol qozǵalysy erejelerin buzý jaǵdaılary anyqtalady. Endi «Qorǵaý – qaýipti júrgizýshi» mobıldi qosymshasyna «Sergek» kameralary men jedel basqarý ortalyǵynyń málimetteri birden kórsetiletin bolady. Bul jol erejesin buzatyn kólik júrgizýshilerin jyldam anyqtaýǵa múmkindik beredi, – deıdi basshy orynbasary Berik Amangeldi.

Onyń aıtýyna qaraǵanda, polısııa qyzmetkerleri planshet arqyly júrgizýshiniń qozǵalysy týraly má­li­metti kóre alady. Onyń ishinde kólikti jalǵan nómirmen basqaratyn júrgizýshiler, tehnıkalyq baıqaýdan ótpegen nemese saqtandyrý polısinsiz kólik júrgizgender, ustaý qajettiligi týraly aqparat túsken júrgizýshiler, 10 mınýt ishinde eki nemese odan da kóp jol erejesin buzǵandar týraly málimetter qamtylady. Jańa úlgi­degi planshetter patrýldik polı­­sııa qyzmetkerleriniń qyzmet kezinde aq­paratty tez tabýyn arttyrady. Kó­lik júrgizýshiniń de, polısııa qyz­met­kerleriniń de ýaqytyn únemdeýge septigin tıgizedi. Al aıyp­pul týraly aqparat IIM derekter ba­za­­­syna jedel túsedi. Sondaı-aq bul baǵdar­la­ma hakerlik shabýyldan qor­ǵalǵan. Planshetterge mobıldi baılanys opera­torlarynyń biriniń arnaıy arnasy arqyly málimetter bazasymen baı­lanys ornatylǵan. Polıseıler baǵdar­lamaǵa kirip, hattamany joıa almaıdy.

 

Atyraý oblysy

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar