Baqytty otbasyn alǵashqylardyń biri bolyp Qostanaı qalasynyń ákimi Marat Júndibaev quttyqtady.
– Sizderdi kópten kútken nárestelerińizdiń ómirge kelýimen quttyqtaımyn. Bul – óte úlken qýanysh ári ǵajaıyp oqıǵa. Mundaı jaǵdaı sońǵy jıyrma jyl ishinde besinshi ret, on jylda úsh márte qaıtalanyp otyr. Sábılerińizdiń deni saý bolsyn! О́ńir turǵyndary 2021 jyldan bastap «Ańsaǵan sábı» baǵdarlamasynyń nátıjesin kórip otyr. Atalǵan baǵdarlama aıasynda ekstrakorporaldy uryqtandyrýǵa beriletin kvota mólsheri 7 ese artty. Bul – jas otbasylarǵa kórsetilip jatqan orasan zor qoldaý. 2021 jyly Qostanaı oblysynda EKU kómegimen 72 bala dúnıege keldi, – dedi ákim.
Qala ákimi úshemniń ata-anasyna 1,5 mln teńgeniń sertıfıkatyn tartý etti.
– Biz jeti jyl perzent kúttik. Sodan keıin ekstrakorporaldy uryqtandyrý arqyly baǵymyzdy synap kórýge týra keldi. Baqytymyzǵa oraı, alǵashqy múmkindikten-aq áıelim qursaq kóterdi. Áýel basta egiz bolar dep júrgen edik, ÝZI-ǵa kelgenimizde dárigerler maǵan «Siz endi kópbalaly ákesiz» dedi. Sóıtip, úshem ekenin bildik. Olardyń aman-esen dúnıege kelýi zor qýanysh. Endi meniń ulym da, qyzdarym da bar. Sheksiz baqyttymyn! – deıdi Igor.
Úshemderdiń bireýi – ul, ekeýi – qyz bala eken. Mılana, Arına jáne Artem dep at qoıypty. Úsh birdeı sábıi dúnıege kelgen kúnniń ertesinde Igor ıpotekaǵa keń páter de satyp alypty. Qazir jóndeý jumystary júrip jatyr eken. Jarty aıdan soń qonys toıyn jasamaq.
Qostanaı oblysy
