Qoǵam • 23 Maýsym, 2022

Aqtóbelikter Reseı qarjy pıramıdasyna 10 mlrd teńge salǵan

11 ret kórsetildi

«Gold Sompany LTD» degen ataýmen qarjy pıramıdasyn quryp, turǵyndarǵa 10 mlrd teńge shyǵyn keltirgen topqa qatysty sot úkimi shyqty. Olar 6 jyldan 12 jylǵa deıin bas bostandyǵynan aıyryldy, dep habarlaıdy Egemen.kz.

Reseı azamattary Pavel Lıtvınenko, Iýrıı Moskvın jáne Aqtóbe qalasynyń turǵyny Ravıl Qazybaevqa Qylmystyq kodekstiń «Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý», «Qarjylyq (ınvestısııalyq) pıramıdany qurý jáne oǵan basshylyq etý» baptary boıynsha aıyp taǵyldy.

Is materıalyna súıensek, Pavel Lıtvınenko, Iýrıı Moskvın jáne Ravıl Qazybaev 2019 jyldyń qazan aıy men 2020 jyldyń aqpan aıy aralyǵynda qarjylyq qylmys jasaǵan. Pavel Lıtvınenko uzaq jyldar boıy túrli jelilik marketıng arqyly satý-satyp alýmen aınalysyp, tájirıbe jınaǵan. Sol qabiletin alǵa tartyp, ózgelerdi aldap-arbaý jolyn oılastyryp, qarjy pıramıdasyn qurdy. Sóıtip 2019 jyly JShS-in zańdastyryp alyp, adamdardy kanadalyq «ASHLY» kompanııasyna ınvestısııa salýǵa úgittedi. Ol ınvestısııa salýdyń 7 jolyn usynǵan. Eń tómengi baǵa 300 myń teńge bolsa, eń kóbi 10 mln teńge dep belgilengen. Osylaısha adamdarǵa 10 mlrd teńgeden astam shyǵyn keldirdi. Sottalýshylar shyǵynnyń kóp bóligin ótegenimen, áli de 2,4 mlrd teńgeni qaıtarýy tıis.

Aqtóbe qalalyq №2 sotynda alaıaqtarǵa qatysty úkim shyqty. Pavel Lıtvınenko 12 jylǵa bas bostandyǵynan aıyryldy. Sondaı-aq ol 7 jyl boıy kommersııalyq jáne qarjylyq uıymdarda basshylyq qyzmet atqara almaıdy. Iýrıı Moskvın 9 jylǵa, al Ravıl Qazybaev 6 jylǵa bas bostandyǵynan aıyryldy. Olar jazasyn qaýiptiligi ortasha túzetý mekemesinde óteıdi. Sonymen birge úsh sottalýshy jábirlenýshilerdiń shyǵynyn tolyq óteýi tıis.

Sot úkimi zańdy kúshine engen joq.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar