Oqıǵa • 25 Maýsym, 2022

Elordada BMW X7 kóligi jaryq baǵanyna soǵylyp, aýdarylyp qaldy

29 ret kórsetildi

Nur-Sultanda túnde BMW X7 kósheni jaryqtandyrý baǵany men jol belgisine soǵylyp, sodan ushyp baryp tóńkerilip qaldy. Jol-kólik oqıǵasy saldarynan bir jolaýshy aýrýhanaǵa jetkizilip, dárigerler qaraýynan keıin úıine jiberildi, dep habarlaıdy Egemen.kz.

«BMW X7 kóliginiń júrgizýshisi EK-32 kóshesimen kele jatyp, Dostyq kóshesiniń qıylysynda rólge ıe bola almaı, kósheni jaryqtandyrý baǵany men «Toqta» jol belgisi tiregine soǵylyp, saldarynan kólik aýdarylyp qaldy. Jol-kólik oqıǵasy saldarynan bir jolaýshy aýrýhanaǵa jetkizilip, dárigerler qaraýynan keıin úıine bosatyldy», delingen Nur-Sultan qalalyq PD baspasóz qyzmetiniń habarlamasynda.

Vedomstvodaǵylar BMW X7 júrgizýshisine qatysty QR ÁQBtK 610-baby boıynsha ákimshilik is qozǵalǵanyn atap ótti. Materıal túpkilikti sheshim qabyldaý úshin sotqa joldandy.

Sondaı-aq Nur-Sultan qalasynyń polısııa departamenti júrgizýshilerge jol qozǵalysy erejelerin múltiksiz saqtaý, belgilengen shektegi jyldamdyqty asyrmaý jáne qashyqtyqty saqtaý kerektigin eskertedi.

Aıana Toǵanbek

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar