Aımaqtar • 27 Maýsym, 2022

Soǵysta qaza tapqan úsh qazaqstandyq jaýyngerdiń súıegi elge jetkizildi

77 ret kórsetildi

Qazaqstan Qarýly kúshteriniń áskerı borty Uly Otan soǵysy jyldarynda qaza tapqan qazaqstandyq jaýyngerlerdiń – Nıkolaı Matveevıch Gýrovtyń, Tólegen Úrkerbaevtyń jáne Petr Abramovıch Fomenkonyń súıekterin Máskeýden Nur-Sultanǵa jetkizdi, dep habarlaıdy Egemen.kz OKQ saıtyna silteme jasap.

Rásim barysynda Qorǵanys mınıstri general-polkovnık Rýslan Jaqsylyqov Uly Otan soǵysynda qaza tapqan qazaqstandyq jaýyngerlerdiń súıekterin izdestirýge belsene qatysqandardyń bárine rızashylyǵyn jetkizip, alǵysyn bildirdi.

– Surapyl soǵystan oralmaı, habar-osharsyz ketken sarbazdar men ofıserlerdiń urpaqtary áli kúnge deıin babalary jaıly habar kútedi. Soǵysta qaza tapqan sońǵy sarbaz jerlengenge deıin izdeý jalǵasa bermek. Biz birlesip atqaryp jatqan jumys jastarǵa áskerı-patrıottyq tárbıe berýge, qazaqstandyq jaýyngerlerdiń janqııarlyǵy men batyldyǵy týraly tarıhty jadymyzda saqtaýǵa barynsha yqpal eterine senimdimin, – dedi qorǵanys vedomstvosynyń bastyǵy.

Qaza tapqan jaýyngerlerdiń súıekterin jetkizýdi «Atamnyn Amanaty» qoǵamdyq uıymy uıymdastyrdy. Bul uıym Qazaqstannan Uly Otan soǵysyna attanyp,  qaza tapqan jáne habarsyz ketken sarbazdardyń jerlengen jerin anyqtaý boıynsha muraǵattyq-izdestirý jumystarymen aınalysady. 

– Surapyl soǵystyń bastalǵanyna seksen jyldan astam ýaqyt ótti. Bizdiń uıym bul rette muraǵat derekterin jınaýda tynymsyz jumys istep keledi. Jeńis jolynda bizdiń jarqyn bolashaǵymyz úshin qaza tapqandardyń esimderi anyqtalyp, olar izdeýshilermen únemi baılanysta bolady, – dedi «Atamnyn Amanaty» basqarmasynyń tóraǵasy Murat Moldaǵalıev.

Qazir Petr Abramovıch Fomenko – Qostanaı oblysy Altynsarın aýdanynyń Sherbakovka aýylynan, Úrkerbaev Tólegen – Almaty oblysynyń Uzynaǵash kentinen, Gýrov Nıkolaı Matveevıch – Almaty qalasynan ekeni naqtylandy.

Atalǵan óńirlerde jaýyngerlerdiń súıekterin qarsy alý, týystaryna berý jáne áskerı qurmet kórsetilip, qaıta jerleý rásimderi ótedi.

Sońǵy jańalyqtar

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar