Qoǵam • 27 Maýsym, 2022

Almatyda qarjy pıramıdasynyń basshylary sottaldy

20 ret kórsetildi

Almatyda World Business Consulting qarjy pıramıdasyn qurý jáne ony basqarý faktisi boıynsha sotqa deıingi tergeý aıaqtaldy, dep habarlaıdy Egemen.kz QR Qarjy monıtorıngi agenttigine silteme jasap.

«Uıymdastyrýshylar azamattarǵa syıaqy alýǵa kepildik bergen affılırlengen kompanııalardyń ınvestısııalyq jobalaryna aqsha salýdy usynǵan. Osylaısha 2018-2021 jyldar aralyǵynda WBC Qarjy pıramıdasyna 5,8 mlrd teńge zańsyz tartylǵan. Sotqa deıingi tergeý barysynda jalpy somasy 4,1 mlrd teńgeniń múlki tárkilendi», delingen vedomstvo habarlamasynda.

Sot úkimimen qarjy pıramıdasynyń basshylaryna 5-ten 6, 8 jylǵa deıin bas bostandyǵynan aıyrý jazasy taǵaıyndaldy.

Taǵy bes uıymdastyrýshyǵa halyqaralyq izdeýge jarııalandy.

Aıta keteıik, World Business Consulting qarjy pıramıdasyn qurý jáne oǵan basshylyq etý faktisi boıynsha birqatar tulǵalarǵa qatysty sotqa deıingi tergeý 2021 jyldyń shilde aıynda bastalǵan bolatyn.

Fınpıramıdanyń dırektory Jemis Júginbaeva 2022 jyldyń 3 naýryzynda ustaldy.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar