Qazaqstan • 27 Maýsym, 2022

Qytaı Qazaqstan azamattary úshin vızasyz rejım engizýi múmkin

34 ret kórsetildi

Qazaqstannyń Qytaıdaǵy elshisi Shahrat Nuryshev QHR Mádenıet jáne týrızm mınıstri Hý Hepınmen kezdesti, dep habarlaıdy Egemen.kz Ortalyq kommýnıkasııalar qyzmetiniń baspasóz qyzmetine silteme jasap.

Kezdesý barysynda taraptar mádenı-gýmanıtarlyq baılanystardy odan ári nyǵaıtý jáne týrızm salasyndaǵy yntymaqtastyqty damytý máselelerin talqylady.

Sh.Nuryshev jaqyn arada qalpyna keletin turaqty áýe qatynastary jáne adamı baılanystardyń belsendirilýin eskerip, ekijaqty mádenı-gýmanıtarlyq dıalogty jandandyrýǵa nazar aýdardy. Qazaqstannyń elshisi QR jáne QHR-da mádenı ortalyqtardy ózara qurý bul baǵyttaǵy ekijaqty qatynastardyń damýyna myqty serpin beretinin atap ótti.

Sonymen qatar Sh.Nuryshev suhbattasýshyny Qazaqstannyń týrıstik múmkindikteri jáne QR Úkimetiniń Týrıstik salany damytýdyń 2025 jylǵa deıingi memlekettik baǵdarlamasyn júzege asyrý boıynsha sharalarymen tanystyrdy. Sondaı-aq elshi qazaqstandyq taraptyń QHR azamattary úshin 14 kúndik merzimge deıin vızasyz rejım engizý jónindegi josparyn eskerip, QR azamattary úshin de uqsas jaǵdaı jasaý máselesin kóterdi.

О́z kezeginde, Hý Hepın Qazaqstan men Qytaı arasyndaǵy mádenıet jáne týrızm salasyndaǵy yntymaqtastyqtyń zor keleshegi bar ekenin erekshe atap ótti. Ol jyl sońynda josparlanǵan Qazaqstan-Qytaı yntymaqtastyq jónindegi komıtetiniń Mádenı-gýmanıtarlyq yntymaqtastyq jónindegi kishi komıtetiniń 15-shi otyrysy eki el arasynda mádenı-gýmanıtarlyq baılanystardy nyǵaıtýda mańyzdy ról atqaratynyna senim bildirdi.

Sonymen birge QHR Mádenıet jáne týrızm mınıstri Qazaqstan Úkimetiniń eldiń týrıstik áleýetin ashý boıynsha qabyldap jatqan sharalaryn joǵary baǵalady, sondaı-aq qytaılyq taraptyń mádenıet ortalyqtardy ózara qurýǵa daıyn ekenin bildirdi.

Kezdesýdiń sońynda taraptar ShYU, AО́SShK jáne «Ortalyq Azııa - Qytaı» memleket basshylary onlaın-sammıtiniń qorytyndylary boıynsha ýaǵdalastyqtardy iske asyrý jónindegi is-qımyldar jospary sheńberinde mádenıet jáne týrızm salasynda birlesken is-sharalardy ótkizý máselelerin qosa alǵanda, QR-dyń QHR-daǵy Elshiligi men QHR Mádenıet jáne týrızm mınıstrligi arasynda tyǵyz baılanystardy saqtaýǵa kelisti.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar