Qoǵam • 27 Maýsym, 2022

IPO-ǵa qatysý halyq úshin qoljetimdi bolýy qajet – Prezıdent

3958 ret kórsetildi

IPO-ǵa qatysý Qazaqstannyń barlyq turǵyny úshin qoljetimdi bolýy qajet. Bul týraly Memleket basshysy Qasym-Jomart Toqaev «Astana» halyqaralyq qarjy ortalyǵyn basqarý jónindegi keńeste aıtty, dep habarlaıdy Egemen.kz.

Memleket basshysy ulttyq kompanııalardy IPO-ǵa shyǵarý jumystaryn kelesi mańyzdy mindet retinde atady. «Samuryq-Qazyna» aksıonerlik qoǵamy men onyń ulttyq kompanııalarynyń rólin mysalǵa keltirdi.

«Elimizdiń qarapaıym azamattary Ulttyq kompanııalardyń aksııalaryn ıelenýge jáne salymdarynan óz dıvıdentterin alýǵa múmkindigi bolýǵa tıis. Dál osyndaı jolmen halyqtyń ınvestısııalyq mádenıeti qalyptasady. IPO-ǵa qatysý Qazaqstannyń barlyq turǵyny úshin qoljetimdi bolýy qajet. Ol úshin qaǵazbastylyq pen bıýrokratııany boldyrmaıtyn jańa sıfrlyq sheshimder kerek», dedi Memleket basshysy.

 

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar