Aksııa barysynda esirtkige qarsy nasıhat jumystarynda erekshe kózge túsken azamattar marapattaldy. Sonymen qatar taqyrypqa qatysty teatr jáne bı qoıylymdary qoıylyp, kınologııalyq ortalyqtaǵy qyzmettik ıtter jumysy kórsetildi. Konserttik baǵdarlama aıasynda estrada juldyzy Mádı Qadyrov óner kórsetti. Aksııa barysynda polıgrafııalyq esirtkige qarsy ónimder men balalarǵa oıynshyqtar taratyldy.
Ataýly kúnge oraı oblystyq PD Esirtki qylmysyna qarsy is – qımyl basqarmasynyń qyzmetkerleri aqparattyq-nasıhattaý jumystaryn da uıymdastyrdy. Oblys aýmaǵynda halyq kóp jınalatyn jerlerde nashaqorlyq zardaby, qylmystyq jaýapkershilik týraly arnaıy daıyndalǵan plakattar men úgit paraqtary, sondaı-aq «senim telefony» týraly aqparat ilindi. Balalar men jasóspirimder arasynda aldyn alý is-sharalary júrgizildi, kezdesýler, sporttyq is-sharalar men aksııalar uıymdastyryldy.
