Qoǵam • 27 Maýsym, 2022

«Miras» keńesinde Ulttyq quryltaıdyń mindeti talqylandy

44 ret kórsetildi

Ulttyq quryltaıdyń jańa zamandaǵy róli, maqsat-muraty nede? Onyń Ulttyq qoǵamdyq senim keńesinen aıyrmashylyǵy qandaı? «AMANAT» partııasy janyndaǵy Azamattyq qoǵam men mádenıetti damytý jónindegi «Miras» respýblıkalyq qoǵamdyq keńesiniń kezekti otyrysyna jınalǵandar dál osy saýaldar tóńireginde oılaryn ortaǵa saldy, dep habarlaıdy Egemen.kz.

16 maýsym kúni el tarıhynda tuńǵysh ret ult ordasy – Ulytaýda eldiń eleýli azamattarynyń basyn qosqan Ulttyq quryltaı ótkeni belgili. Osy oraıda Keńes tóraǵasy, Májilis depýtaty Amanjol Áltaı quryltaıdyń maqsaty men mindetine toqtaldy.

«Quryltaı – ata-babamyzdan kele jatqan asa mańyzdy sheshim qabyldaıtyn ulyq jıyn. Ol – dala demokratııasynyń jarqyn kórinisi. Biz ata-baba amanatyn arqalap, jolyn jalǵap, kóne dástúrdi jańǵyrttyq. Arada ǵasyrlar ótse de, maqsatymyz ortaq – birlikti bekem etip, alqaly jıynda ultymyzdyń bolashaǵyn aıqyndaıtyn sheshimder qabyldaý», dedi ol.

О́z kezeginde «Egemen Qazaqstan» JShS Bas dırektory, «AMANAT» partııasy Saıası bıýrosynyń múshesi Darhan Qydyráli quryltaıdy ashyq qoǵamnyń taǵy bir kórinisi dep baǵalap, onyń ózge keńesý alańdarynan aıyrmashylyǵyn keńinen tarqatyp aıtty.sh

«Jańa Qazaqstannyń mindeti – ashyq azamattyq qoǵam qurý, ádiletti memleket ornatý, demokratııalyq úderisterdi júrgizý. Al quryltaı ashyq azamattyq qoǵamdy damytýǵa úlken úles qosady. Mundaǵy aıtylǵan pikirlerdiń barlyǵy eldiń muń-muqtajyn, halyqtyń tilegin jetkizýi tıis. Quryltaı – bul halyqtyq qurylym. Sondyqtan ony ashyq qoǵamnyń taǵy bir kórinisi dep aıtýǵa bolady. Bizde Parlament, Májilis, Senat, Assambleıa jáne basqa da minberler bar. Biraq quryltaı halyq ókilderiniń arasynan jınalǵandyqtan, halyqtyń sózin aıtatyn bıik minber bolady dep senemiz», dedi Darhan Qydyráli.

Ulttyq quryltaıdyń quramynda etnolog, geograf, fılosof, jaratylystanýshylar bolýy kerek dep esepteıdi fılologııa ǵylymdarynyń doktory, professor Serik Negımov.

«Ulytaýda ótken quryltaıǵa halyqtyń sózin sóıleıtin memleket jáne ult qaıratkerleri óte jaqsy iriktelip alynǵan. Bolashaqta oryn alady dep boljanyp otyrǵan sý, azyq-túlik tapshylyǵy, jer máselelerin eskere otyryp, endigi quryltaıdyń quramyna mamandardy engizý kerek. El tynyshtyǵy, terrıtorııamyzdyń tutastyǵy, halqymyzdyń ál-aýqaty syndy óte ózekti máselelerdiń sheshilýine quryltaı sebepker bolýy tıis», dedi ǵalym.

Alǵashqy quryltaıǵa 117 adam iriktelip alynǵany belgili. Degenmen, bul tizim aýysyp turady. Belsendi, halyq úshin, eldegi ortaq máselelerdi sheshý úshin úles qosamyn degen kez kelgen qazaqstandyq azamattyń bolashaqta osy keńeske qatysýǵa múmkindigi bar. Bul týraly «Bas redaktorlar klýby» respýblıkalyq qoǵamdyq birlestiginiń prezıdenti, Ulttyq quryltaı Tóraǵasynyń orynbasary Bıbigúl Jeksenbaı aıtty.

Onyń aıtýynsha, qazir «Quryltaı» dep atalatyn arnaıy mobıldi qosymsha jasalyp jatyr. Ol kúzde iske qosylady. Mobıldi qosymsha arqyly kez kelgen azamat óz usynysyn quryltaıǵa joldaı alady.

«Quryltaıdyń Ulttyq keńesten artyqshylyǵy munda aımaqtardaǵy keńesterdiń ókilderi qatysady. Jergilikti jerlerdegi máseleler de tys qalmaýy úshin arnaıy televızııalyq joba qolǵa alynady. Ol – «Habar» jáne «Qazaqstan» telearnalarynyń uıymdastyrýymen ótetin úlken baǵdarlama. Iаǵnı, Ulttyq quryltaı máselelerdi jylyna bir ret bolatyn jıynda talqylap qoımaı, úzdiksiz jumys isteıtin úlken alań bolady», dedi B.Jeksenbaı.

О́z kezeginde «Habar» agenttigi» AQ Basqarma tóraǵasy  Berik Ýálı telearnada «Ulttyq quryltaı» dep atalatyn arnaıy telemarafon jáne Memleket basshysy aıtqan eńbek adamyna qurmetti nasıhattaý úshin arnaıy jobalar daıyndalyp jatqanyn jetkizdi.

Sońǵy jańalyqtar

«Jalynan sıpatpaıtyn» jalaqy

Qoǵam • Búgin, 00:15

Izgiliktiń alǵashqy qadamy

Aımaqtar • Búgin, 00:11

Úsh nysannyń irgetasy qalandy

Aımaqtar • Búgin, 00:10

О́zgermeli álemdegi yntymaqtastyq joly

Saıasat • Búgin, 00:06

Jetinshi sezdiń arqalaǵan júgi qandaı?

Qazaqstan • Búgin, 00:03

Iemende jaǵdaı turaqtalyp keledi

Álem • Búgin, 00:02

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Uqsas jańalyqtar