Aımaqtar • 29 Maýsym, 2022

Jurtshylyqqa qaraı jańa qadam

34 ret kórsetildi

«Jańa Qazaqstan» ıdeıasy jarııa etilgennen beri pavlodarlyq bıliktiń jumys josparyna oń ózgerister engizilgenin atap ótken jón. Shalǵaıdaǵy turǵyndardyń usynys-pikiri eskerilip, jańa baǵdarlamanyń mátini qaǵazǵa túsken. Nebári bir aptanyń ishinde 2,5 myńǵa jýyq ótinish qabyldandy. Saýaldardyń 60 paıyzǵa jýyǵy jumyssyzdyq jáne jastar máselesine qatysty. Osy jáne ózge de tyń qadamdar Prezıdent janyndaǵy Ortalyq kommýnıkasııalar qyzmetinde Pavlodar oblysynyń ákimi Ábilqaıyr Sqaqovtyń qatysýymen ótken brıfıngte aıtyldy.

Turǵyndardan túsken ár saýal muqııat zerttelip, 150-ge jýyq adam jınalǵan eki stra­tegııalyq sessııa ótkizilipti. Jıynda qala­lar men aýyldardan arnaıy at basyn bur­ǵan ár jastaǵy azamattar tóbe kórsetipti. Tip­ti qańtar oqıǵasyna qatysqandar da orta­dan tabylǵan. Osylaısha, kópshiliktiń talqylaýynan keıin 2022 jylǵa arnalǵan baǵdarlamanyń mazmuny bekitilgen. Soǵan sáıkes, eki qolǵa bir kúrek taba almaı júrgen 5 myń jasqa jumys taýyp berý, 12 myń oqýshyǵa bos ýaqytty tıimdi paıdalaný úshin yńǵaıly jaǵdaı jasaý sııaqy sharalar qamtylǵan. Alǵashqy nátıjeler jaman emes. Máselen, 25 jastaǵy baıanaýyldyq Saıan áý basta ózin-ózi jumyspen qamtyǵandardyń sanatynda júrse, búginde kásipkerlik kýrs­taryn meńgerip, jeke shaǵyn bıznesin órge doma­latyp otyr. 20 jastaǵy Margarıta ju­mys­syz júrgen edi. Qazir Tereńkól aýda­ny­nyń ákimdiginde ádisker bolyp nápaqa aıyrýda. Qysqasy, jańa baǵdarlama iske qosyl­ǵannan beri 6 myń pavlodarlyq turaq­ty jáne ýaqytsha jumysqa ornalasqan. Meje­ge qol jetkizý úshin jumyspen qamtý orta­lyq­tarynyń qaǵıdattary ózgertilip, maman­dar shalǵaı aýyldarǵa, adamdar tyǵyz ornalas­qan eldi mekenderge qatynaǵan. Jumys­pen qamtý mobıldi ortalyqtarynyń da paı­dasy orasan. Jumys izdep áýre bolmaı­syz. Úıde otyryp-aq eki qolǵa bir kúrek taba alatyn múmkindik bar. 19 bilim berý mekemesinde jastarǵa arnalǵan ortalyq­tar ashyldy. Kádimgi halyqqa qyzmet kór­setý orta­lyqtary sııaqty keńes berip, qujattar­dy retteýge, ózge de máseleni sheshýge járdemdesedi.

Jańa baǵdarlamaǵa sáıkes, taǵdyrdyń taýqymetin tartyp, qıyn jaǵdaıda qalǵan otbasylardy anyqtaý kózdelgen. Este bolsa, bıyl aqpanda Ekibastuz qalasynda jaǵymsyz jaǵdaı dúıim eldi eleń etkizgen-di. Páterlerdiń birinen kútimsiz qalǵan tórt baldyrǵan tabylǵan edi. Odan keıin de soǵan uqsas oqıǵa tirkelgen bolatyn. Osy rette jergilikti bılik «Otbasynyń sıfrly kartasy» sheńberinde áleýmettik álsiz otbasylarǵa tıisti tólemaqyny alý, qujattardy retteý sııaqty úlken qoldaý kórsetip jatqan kórinedi. Mundaı kómek 55 otbasyna kór­setilgen. Psıhologııalyq qoldaýdy 12 otbasy sezinip, 39 adam jumysqa ornalasqan. Jalpy, jańa baǵdarlamada 10 baǵyt boıynsha 97 naqty is-shara qarastyrylǵan.

– Atalǵan baǵdarlama halyqtyń ıgiligi úshin jasalǵanyn kórip otyrsyzdar. Sebebi halyqtyń ózi ony talqylaýǵa jáne ázirleýge qatysty. Ata-babalarymyz aqsaqaldar, bıler keńesin shaqyryp, quryltaıda birle­sip sheshim qabyldaýdyń tıimdiligi erekshe ekenin burynnan bilgen. Onyń taǵy bir dáleli – Prezıdentimiz Qasym-Jomart Toqaev bekitken halyqpen kezdesýlerdiń jańa formaty. Men, meniń orynbasarlarym jáne basqarma basshylary osy ýaqytqa deıin 100-ge jýyq aýyldy aralady. Kezdesýler­de 536 suraq qoıyldy, onyń 40 paıyzy je­del sheshildi. Mundaı sharalardyń tıimdi­li­gi óte joǵary, sebebi kezdesýge turǵyndar, aýdan, oblys basshylyǵy, quqyq qorǵaý jáne basqa organdar ókilderi qatysady. Birlik­pen birlesip sheshim qabyldaý – basty maqsat­tyń biri, – dedi Á.Sqaqov.

Aımaq basshysy emhanalardyń jumy­syna qatysty turǵyndardan shaǵym kóp túse­tinin aıtty. Pavlodarlyqtar kóbine kezek­ti kóp kútetinderin, medısına qyz­met­ker­leriniń dóreki jaýap qaıtaratynyn, telefon­men habarlasý múmkin emes ekenin jetkizipti. Máseleni sheshý úshin oblys ákimi emhanalardy aralap, tıisti organ basshylarymen birge naqty sharalar qolǵa alyndy. Nátıjesi jaman emes. Qazirgi ýaqytta pasıentterdiń emhanalarǵa qońyraý shalý kezindegi kútý ýaqyty 4 esege, medbıkeler beketterin engizý esebinen dáriger­ler­diń júktemesi 35 paıyzǵa azaıǵan. Emha­nalarda sıfrly beketter ornatylyp, call-or­ta­lyqtardyń, tirkeý bólimderiniń jáne bas­qa da qurylymdyq bólimshelerdiń 385 qyzmet­keri arnaıy oqytýdan ótken. О́ńirde jas mamandarǵa rezıdentýrada oqý úshin granttar bólinip, qoldaý kórsetilýde. Máselen, oblys ortalyǵyndaǵy medısınalyq kolledj jataqhanasy qaıta jańǵyrtylyp, jas dárigerlerdiń otbasylary úshin kóppáterli turǵyn úı salý josparlanǵan.

– Oblysta oqýshylardyń jartysynan kóbi tegin ystyq tamaqpen qamtamasyz etilgen. Buǵan óńir bıýdjetinen tıisti qarjylandyrýdy ulǵaıtý áser etti. Ol 1,8 esege ósip, 3,9 mlrd teńgeni qurady. Birinshi mamyrdan bastap óńirdegi barlyq úsh qalada mektep oqýshylary qoǵamdyq kólikte tegin júrý múmkindigine ıe boldy. Balalarǵa arnalǵan sport ınfraqurylymyn keńeıtý josparlary da aýqymdy. Oblysta 7 iri sport nysany, 13 shaǵyn fýtbol alańy jáne 63 sport alańy salynýda.

– Oblysta 7-11 synyp oqýshylaryna bola­shaq mamandyqtaryn tabýǵa kásibı baǵ­dar­laý baǵdarlamasy oń septigin tı­gizýde. Qazirgi kezde baǵdarlama 20 myń oqýshyny qamtydy. Biz 150-ge jýyq mektep kitaphanasyn jańǵyrtyp, barlyq oqý­shy­nyń mýzeıge tegin barýyn uıym­dastyr­dyq. Pikir­­saıys qozǵalysyn damytyp, aqparat­tyq teh­nologııalarǵa oqytýdyń úzdiksiz júıe­sin qurdyq jáne daryndy balalardy «Táýel­sizdik ulany» syılyǵymen marapattaý arqyly yntalandyramyz, – dedi Á.Sqaqov.

Brıfıng barysynda oblys ákimi jýrna­lıs­terdiń saýalyna tolymdy jaýap berdi.

 

Pavlodar oblysy

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar