Jedel-izdestirý is-sharalaryn júrgizý kezinde 37 jastaǵy kúdikti ustalǵan. Turǵylyqty jeri boıynsha tintý júrgizý barysynda onyń garajdaǵy kóliginen salmaǵy 40 keli «marıhýana» bar eki paket tárkilendi.
Atalǵan fakti boıynsha Qylmystyq kodekstiń 297-baby 2-bóligi («Esirtki, psıhotroptyq zattardy ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý») boıynsha sotqa deıingi tergeý júrgizilip jatyr.
Kinási dáleldense, 12 jylǵa deıingi merzimge bas bostandyǵynan aıyrylýy múmkin. Polıseıler dári-dármektiń jetkizý arnasyn, sondaı-aq esirtkiniń zańsyz aınalymyna qatysy bar adamdardy anyqtap jatyr.
Nur-Sultan qalasy polısııa departamenti Esirtki qylmysyna qarsy is-qımyl basqarmasynyń bastyǵy Erlan Aqbarovtyń aıtýynsha, jyl basynan beri zańsyz aınalymnan 170 keliden astam túrli esirtki zaty tárkilengen.
