Qoǵam • 29 Maýsym, 2022

Qazaqstan 80 myń kıikti atatyn boldy

3316 ret kórsetildi

Ekologııa, geologııa jáne tabıǵı resrýstar mınıstri Serikqalı Brekeshev Jaıyq popýlıasııasyna jatatyn 80 myń bas kıikti atý týraly sheshim qabyldanǵanyn aıtty, dep habarlaıdy Egemen.kz.

«Bıologııalyq negizdeme aıaqtaldy. Ǵalymdar kıik sanyn retteýdiń qajettiligi bar degendi aıtyp otyr. Bul Jaıyq popýlıasııasyna qatysty bolady. Qazir bul popýlıasııanyń sany 800 myń bastan asady desek, sonyń 10 paıyzy, ıaǵnı 80 myń bas kıik retteýge jatady», dep jaýap berdi Májilistiń plenarlyq otyrysynan keıin BAQ ókilderiniń qoıǵan saýalyna.

Jýrnalısterge bergen jaýabynda Serikqalı Brekeshev kıik sanyn retteý dep atý sharasy aıtylyp turǵanyn naqtylady.

Sondaı-aq ol kıik sanyn retteý sharalary popýlıasııalardyń sanyn shektep ustaý degendi bildirmeıtinin eskertti.

«Onyń ishinde keıbir popýlıasııalardyń sanyn kóbeıtý sharalary da kózdelgen. Retteý degen kıik sanyn ustap turý ekenin qaıtalap aıtamyn. Retteý degennen keıin belgili bir normalar bar ekeni túsinikti. Bul qajet shara. Aýyl sharýashylyǵy janýarlarymen qaıshylyqtar bolmaý úshin osylaı isteý kerek. Búgingi tańda Batys Qazaqstan oblysynda kıikter jaıylymdarǵa ǵana emes, egin alqaptaryna da kirip jatyr. Sondyqtan bir jaǵynan problema da bar. Tipti bıologııalyq negizdeme boıynsha kıikterdiń ońtaıly sany emin-erkin tirlik keshe alatyn kólemge jetýi kerek. Osy negizdemelerdiń aıasynda retteý iske asady. Búgingi tańda biz 500-ge deıin kıikti zertteý úshin alamyz», dedi vedomstvo basshysy.

Aıana Toǵanbek

Sońǵy jańalyqtar

Shekaranyń shebi berik

Qazaqstan • Keshe

1,1 mln gektar jer qaıtaryldy

Qazaqstan • Keshe

Kúre jolda kóp ózgeris bar

Aımaqtar • Keshe

Baqyt mınıstrligi

Qoǵam • Keshe

Elektr jelileri tozyp tur

Ekonomıka • Keshe

Shyǵyn kóbeıse, tarıf ósedi

Ekonomıka • Keshe

Ult ustazynyń ulaǵaty

Ahmet Baıtursynuly • Keshe

«Qylmysker» qalam

О́ner • Keshe

Bethovenniń ómiri

О́ner • Keshe

Ulttyq oıyndar – qundy muramyz

Ulttyq sport • Keshe

Alan alǵan 15-shi júlde

Tennıs • Keshe

Uqsas jańalyqtar