Aımaqtar • 29 Maýsym, 2022

Semeıde alty shaǵynaýdandy damytýǵa 2 mlrd teńge bólinedi

17 ret kórsetildi

Mundaı málimetterdi Semeı qalasynyń ákimi Baqytjan Baıahmetov Nahalovka, 14 shaǵynaýdan, 905 qurylys aýdandarynyń, Sementshiler, Stepnoı, Zapadnyı kentteriniń turǵyndarymen kezdesýde aıtty, dep jazady Egemen.kz.

Kezdesý basynda qala ákimi turǵyndardy bıylǵy jyly atqarylǵan jumystar men alda turǵan mindetter týraly tanystyrdy. Sondaı-aq bıylǵy 5 aıdaǵy qalanyń áleýmettik-ekonomıkalyq damý qorytyndylary týraly aıtyp berdi.

«Qala ákimi qyzmetine kirisken sátten bastap men qala turǵyndarymen turaqty túrde kezdesýler ótkizemin. Osy kezeńde 178 kóshpeli kezdesý ótkizildi, onyń 136 – qalada, 42– aýyldyq okrýgterde ótti. Biz turǵyndarmen kezdesýlerdiń qorytyndysy boıynsha Semeı qalasynyń 2022 jylǵa arnalǵan áleýmettik táýekelder kartasyn qurastyrdyq. Atalǵan kartaǵa sáıkes, 199 másele bıýdjetten qarjylandyrýdy talap etedi», dedi Baqytjan Baıahmetov.

Qala ınfraqurylymynyń tozýy eń ózekti máselelerdiń biri. 

Baqytjan Baıahmetov júrgizilip jatqan jumystar men búgingi kezdesýge qatysýshylar turatyn shaǵynaýdandardyń damý perspektıvalary týraly egjeı-tegjeıli aıtyp berdi.

Joldyń jaǵdaıyn jaqsartý úshin ótken jyly Sınısyn kóshesine Rysqulov kóshesinen Spartak kóshesine deıin jalpy uzyndyǵy 0,4 shaqyrymǵa ortasha jóndeý júrgizildi.

6 kóshege qum-qıyrshyq tas qospasyn jáne qıyrshyq tas sebý arqyly jóndeý jumystary, onyń ishinde Stepnoı kentinde negizgi joldan sońǵy aıaldamaǵa deıin, 14 shaǵynaýdan jáne 905 qurylys aýdandarynda 5 kóshege: Pojarnaıa kóshesi Rysqulov kóshesinen Stahanov kóshesine deıin, Aqmola kóshesi 2-Shkolnaıa kóshesinen Jeńis kóshesine deıin, Pervomaıskaıa kóshesi Rysqulov kóshesinen Stahanov kóshesine deıin, Galeto kóshesi Karmenov kóshesinen Dokýchaev kóshesine deıin, Qashaýbaev kóshesi Karmenov kóshesinen Rysqulov kóshesine deıin josparlanǵan.

Sementshiler kenti aýdanynda uzyndyǵy 2,8 shaqyrym bolatyn 5 kóshe jóndeledi. Nahalovka aýdanynda Shorsa kóshesinen Sentralnaıa kóshesine deıin Beregovaıa kóshesin ortasha jóndeý josparlanǵan, uzyndyǵy 1 shaqyrymdy quraıdy. Zapadnyı kentinde Batys ónerkásip torabyna aparatyn 2,7 shaqyrym jol ortasha jóndeý jumystary júrgiziledi. 14 shaǵynaýdanda jáne 905 qurylysta Boztaev kóshesi, 1a mekenjaıy boıynsha (Qashaýbaev kóshesi Rysqulov kóshesinen Pervomaıskaıa kóshesine deıin) órt sóndirý bólimine kireberis joldardy ortasha jóndeý josparlanǵan. Pervomaıskaıa Qashaýbaev kóshesinen Rysqulov kóshesine deıin, Stahanov kóshesi), uzyndyǵy 1,5 shaqyrymdy quraıdy.

Ekinshi jerústi «Iýjnyı» jaıaý júrginshiler ótkeliniń qurylysy júrgizilýde. Taza aýyz sýmen qamtamasyz etý jumystary da jalǵasýda.

«Atalǵan shaǵynaýdandarda 6 myńnan astam tutynýshyǵa qyzmet kórsetiledi, olar «Úlken» sý toǵanynan sýmen qamtamasyz etiledi. Sý qubyry jelileriniń negizgi bóligi 70-shi jyldary salynǵan jáne sý qubyry jelileriniń tozýy 66,4%-dy, káriz jelileri-72,7%-dy quraıdy. Qalanyń sol jaǵalaý bóligindegi aýyz sýdyń sapasyn jaqsartý maqsatynda Eýropa qaıta qurý jáne damý banki aıasynda Zapadnyı kentindegi Stroıtelnaıa kóshesindegi 3-shi tuıyq kóshege sý qubyryn qaıta jańartý júrgizildi», dedi Semeı qalasynyń ákimi.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar