Qarjy • 29 Maýsym, 2022

Qazaqstannyń altyn-valıýta rezervteri tómendedi

13 ret kórsetildi

Ulttyq banktiń jalpy halyqaralyq rezervteri 2022 jylǵy mamyrda aldyn ala derekter boıynsha 1,9%-ǵa tómendep, 32,8 mlrd dollardy qurady, dep habarlaıdy Egemen.kz.

«Altyn-valıýta rezervteriniń azaıýy AQSh qazynashylyq oblıgasııalarynyń kiristiliginiń artýy aıasynda altyn baǵasynyń tómendeýi esebinen boldy. Altyn-valıýta rezervterine yqpal etken qosymsha faktorlar - EDB-niń Ulttyq banktegi korrespondenttik shottarynyń tómendeýi jáne memlekettik qaryzdyń tólenýi», delingen QR Ulttyq banki habarlamasynda.

Negizinen, jergilikti valıýta naryǵynda shetel valıýtasyn satyp alý altyn-valıýta rezervteriniń valıýtalyq bóligin ishinara qalpyna keltirdi.

Eldiń halyqaralyq rezervteri tutastaı alǵanda, Ulttyq qordyń shetel valıýtasyndaǵy aktıvterin (53,8 mlrd dollar) qosa alǵanda, 2022 jylǵy mamyrdyń sońynda 86,6 mlrd dollardy qurady.

Bul rette aqsha bazasy 0,9%-ǵa qysqaryp, 9 875 mlrd teńgeni qurady (jyl basynan beri - 9,9%-ǵa). Ulttyq banktegi Ekinshi deńgeıdegi bankterdiń merzimdi depozıtterin eseptemegende aqsha bazasy 2,8%-ǵa, 7 037,7 mlrd teńgege deıin qysqardy (jyl basynan beri 1,3%-ǵa keńeıdi).

Mamyr aıynda aqsha massasy 2,3%-ǵa tómendep, 28 319,2 mlrd teńgeni qurady (jyl basynan beri - 5,9%-ǵa), aınalystaǵy qolma-qol aqsha 1%-ǵa, 3 076,8 mlrd teńgege deıin azaıdy (jyl basynan beri 2,6%-ǵa ósti).

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar