«Qujatqa qol qoıylǵan kúnnen bastap 20 jylǵa jýyq ýaqyt ótti, alaıda, ókinishke qaraı, Hatshylyqty qurý máselesi áli sheshilgen joq. Onyń fýnksııalaryn áli kúnge deıin Jenevadaǵy BUU Qorshaǵan ortany qorǵaý baǵdarlamasynyń eýropalyq keńsesi júzege asyrady.
Qazaqstan seriktesteriniń nazaryn Hatshylyq tolyqqandy halyqaralyq uıym retinde jaǵalaýdaǵy elderdiń birinde ornalasýy tıis ekendigine birneshe ret aýdarǵan edi.
Kaspıı mańy elderiniń sheńberinde mádenı-gýmanıtarlyq yntymaqtastyqtyń qajettiligi birneshe ret talqylandy. Osy baǵytta naqty qadamdar jasaıtyn kez keldi dep sanaımyz. Bul bizdiń halyqtarymyzdy jaqyndastyryp qana qoımaı, Kaspııdi zertteý kezinde ózara is-qımyldy edáýir jaqsartýǵa múmkindik beredi. Sondaı-aq «Kaspıı bestigi» taldamalyq qurylymdarynyń konsorsıýmyn qurý paıdaly bolady dep oılaımyn. Bizdiń ortaq ıgiligimiz ben ata-babalarymyzdyń murasy – dana da berekeli Kaspıı árqashan dostyq pen ózara tıimdi yntymaqtastyq teńizi bolyp qala beretinin erekshe atap ótkim keledi», dedi Memleket basshysy sóz sońynda.
