Balalar jyly aıasynda Qarlyǵash balabaqshasynda «Biz – «Qarlyǵashtyń» chempıondary!» atty spartakıada ótti. Spartakıada salaýatty ómir saltyn nasıhattaý, otbasyn balabaqshadaǵy birlesken sporttyq is-sharalarǵa tartý jáne balalardyń emosıonaldy jaǵymdy kóńil-kúıin qalyptastyrý maqsatynda uıymdastyryldy.
Is-sharaǵa Kásiporynǵa qarasty úsh balabaqshanyń balalary men olardyń ata-analary belsendi qatysty. Qatysýshylardy qyzyqty baǵdarlama – sporttyq estafetalar, mıǵa shabýyl jáne ıntellektýaldyq shabýyl jáne kóńildi Karlsonmen kezdesý kútip turdy.
Jeńiske degen qulshynysy, óz-ózine degen senimdiligi joǵary, dostyq sezimimen sýsyndaǵan komandalar «Biz – Qarlyǵashtyń chempıondary!» mártebesin qorǵap, ádil jekpe-jekke shyǵyp, óz balabaqshalarynyń atynan shyqty.
Spartakıada nátıjesinde úsh nysan boıynsha oryndar bólinip, ár otbasy «Eń júırik», «Eń epti», «Eń myqty» nomınasııalary boıynsha dıplommen marapattaldy.
