Aımaqtar • 30 Maýsym, 2022

Aqtaýda munaı-gaz jabdyqtaryn óndiretin zaýyt iske qosyldy

27 ret kórsetildi

Aqtaýda «PCM Kazakhstan» JShS munaı-gaz sektoryna arnalǵan sorǵy jabdyqtaryn óndiretin zaýyty ashyldy, dep jazady Egemen.kz.

Ashylý saltanatyna «S.A.S. PCM EUROPE» bas dırektorynyń orynbasary Frederık Garde, «PCM Kazakhstan» JShS bas dırektory Berik Jansat, Fransııanyń Qazaqstandaǵy Elshiliginiń ekonomıkalyq máseleler jónindegi attashesi Vensan Berje, Mańǵystaý oblysy ákiminiń birinshi orynbasary Bekbol Orynbasarov, «Aqtaý teńiz porty» AEA Basqarma tóraǵasynyń orynbasary Baǵlan Keńpeıilov jáne «KAZAKH INVEST» UK» AQ atynan Eýropa elderimen yntymaqtastyq jónindegi jetekshisi Anara Mekebaeva men Mańǵystaý oblysy boıynsha óńirlik dırektory Aıdyn Tumyshev qatysty.

Álemniń 30 elinde usynylǵan PCM kompanııasynyń munaı-gaz salasynda 90 jyldyq tarıhy bar. Jalpy, holdıng búkil álem boıynsha 400 000-nan astam sorǵylardy ornatyp, onyń 3000 qurlyq pen teńiz platformalarynda ornalasqan. 

Joǵary eksporttyq áleýeti bar Aqtaý qalasyndaǵy zaýyttyń aǵymdaǵy óndiristik qýaty jylyna 800-ge deıin buramaly sorǵylar men 200 jetek shyǵarýǵa múmkindik beredi, bul 15 jumys orny ashylady degen sóz. Ekinshi kezeńge ótý kezinde óndiristi 1600 buramaly sorǵyǵa jáne 400 jetekke deıin, tıisinshe úshinshi kezeńde jylyna 2400 buramaly sorǵy men 600 jetekke deıin ulǵaıtý kózdeledi. Bul qosymsha 100 jańa jumys ornyn qurýǵa múmkindik beredi. PCM standarttaryna sáıkes qyzmetkerler Fransııa, Kanada, Avstralııa jáne Omanda ornalasqan daıyndyq ortalyqtarynda oqyp-jattyǵyp, biliktiligin arttyrady.

«PCM Kazakhstan» JShS munaı-gaz sektoryna arnalǵan jabdyqty óndirip ǵana qoımaı, bolashaqta taý-ken, tamaq, hımııa ónerkásibi sııaqty jáne de taǵy basqa ındýstrııalar úshin agregattar óndirisin jolǵa qoıýdy josparlap otyr.

Zaýyt KAZAKH INVEST jáne Qazaqstannyń Fransııadaǵy elshiliginiń qoldaýymen iske qosyldy jáne jergilikti atqarýshy organdardyń belsendi at salysýymen júzege asyryldy.

Sońǵy jańalyqtar

Uqsas jańalyqtar