Týrızm • 30 Maýsym, 2022

Týrıster qyzyǵatyn ólke

26 ret kórsetildi

Mańǵystaýǵa týrısterdiń qyzyǵýshylyǵy joǵary. Oblystyq týrızm basqarmasynyń basshysy Danııar Ýteshovtiń aıtýynsha, bul jaqqa jyl basynan beri 55 myńǵa jýyq týrıst kelgen.

Naqtyraq aıtsaq, óńirge jyl basynan beri 54 575 adam kelgen jáne bul ótken jyl­­men sa­lystyrǵanda 2 myń adamǵa artyq.

– О́ńirde týrıster toqtaıtyn oryn­dar sany 98-ge jetti, nó­mir­ler sany – 3 810. Jalpy, jyl basynan beri 1,2 mlrd teńgege qyz­met kórsetilgen. Kórsetkish 1,2 esege ósti. Sonymen qatar sa­laǵa tar­tylǵan ınvestısııalar da artqan. Má­selen, oıyn-saýyq, tamaqtaný syn­dy qyzmet túr­lerinen 2021 jyl­dyń qory­tyn­dysy boıynsha 43,8 mlrd teń­geni, 2022 jyldyń qań­tar-sáýir aılarynda 3,97 mlrd teń­geni qurady, dedi D.Ýteshov.

Bıyl týrızm salasyna qa­tysty quny 40 mlrd teńgeden as­tam 6 jobany iske qosý jospar­lan­ǵan.

– 2022-2025 jyldary myńnan astam jumys oryndaryn qura otyryp, jalpy somasy 100 mlrd teńgege 16 jobany júzege asyrý josparlanǵan. Osylaısha, týrızm salasyndaǵy jobalardy iske asyrý óńirge qosymsha ınvestısııalar tartýǵa, jańa týrıs­ter aǵynynyń ósýine múmkindik beredi. Jańa jumys oryndaryn ashýdy, salyq aýdarymdarynyń túsýin qamtamasyz etedi. Týrızm­niń bir salasyn ǵana emes, eko­no­mıkanyń basqa da aralas salalaryn damytýǵa ser­pin beredi. Saıyp kelgende, Mań­ǵystaý ob­lysynyń áleýmettik-ekono­mıkalyq damýyna oń serpin bere­di, – dedi Danııar Ýteshov.

Mańǵystaýda týrızmdi damytý kún tártibindegi másele, son­dyq­tan bul ba­ǵyttaǵy jumys­tar­dy jandandyra júr­gizý ma­ńyzdy.

a

 

Mańǵystaý oblysy

Sońǵy jańalyqtar

Uqsas jańalyqtar