Qoǵam • 30 Maýsym, 2022

Múlik kepilin bes mınýtta sheshýge bolady

19 ret kórsetildi

«Azamattarǵa arnalǵan úkimet» memlekettik korporasııasy «Otbasy bankimen» birlesip Blockchain tehnologııasynyń kómegimen múlik kepilin sheshý boıynsha jobany engizdi.

Kóbinese qazaqstandyqtar bankten nesıeni óz múlkin kepilge qoıý arqyly alady. Nesıe ótelgennen keıin ke­pilde turǵan múlikten aýyrt­palyqtardy alyp tastaýy kerek. Buryn bul qyzmet HQO-da oflaın rejimde ǵana kór­setiletin. Klıent aldymen bank­ten anyqtama alyp, sodan keıin halyqqa qyzmet kórsetý ortalyqtaryna júginetin. Qyz­met kórsetý merzimi úsh jumys kúnin qurady. Qazir joba arqyly bul prosess jeńildedi. Endi qujattar jınap, olardy HQO-ǵa aparýdyń qajeti joq. Barlyǵy onlaın rejimde jasalady, al kepil quqyǵyn bes mınýt ishinde sheshýge bolady!

Aıta keteıik, múlik ke­pilin toqtatý qyzmeti qazaq­stan­dyq­tar arasynda su­ra­nys­qa ıe qyz­­metterdiń biri. Bes aı ishinde EDB-nyń 126 523 ke­pili sheshildi. Ja­qyn arada qyz­metti basqa bank­ter­diń klıentteri de paıdalana alady. Bul memlekettik kor­pora­sııanyń EDB-men jáne Blockchain tehnologııasyn qol­daný boıynsha alǵashqy bir­les­ken jobasy emes. 2021 jyl­dyń kúzinde «Sıfrly ıpo­teka» iske qosyldy, al 2022 jyl­dyń maý­sym aıynyń ba­synda jalǵa be­riletin tur­ǵyn úıdi onlaın re­simdeý múm­kin­digi paıda boldy.

Sońǵy jańalyqtar

Uqsas jańalyqtar