Qazaqstan • 01 Shilde, 2022

Nur-Sultan men Almaty stýdentter úshin eń úzdik qala qataryna qosyldy

Brıtanııalyq Quacquarelli Symonds (QS) kompanııasy QS Best Student Cities 2023 álemdegi eń úzdik stýdenttik qalalardyń jyl saıynǵy reıtıngin jarııalady, oǵan qazaqstandyq eki iri qala – Nur-Sultan men Almaty endi, dep habarlaıdy Egemen.kz.

Gaýhar QAPASh

Qalany baǵalaý kezinde kóptegen krıterıı eskerilgen. Solardyń qatarynda stýdentter qaýymdastyǵynyń ınternasıonaldyq sıpaty, qoǵamnyń basqa mádenıetterge tózimdilikpen qaraýy, ekologııa, ómir súrýdiń ekonomıkalyq deńgeıi, qaýipsizdik deńgeıi qarastyrylǵan.

Talaptardyń biri – qalada QS World University Rankings joǵary oqý oryndarynyń eń bedeldi álemdik reıtıngine engen keminde eki ýnıversıtet bolýy kerek.

Bir qyzyǵy, Qazaqstannyń astanasy bedeldi QS reıtıngine alǵash ret enip, Darem (AQSh), Ankara (Túrkııa) jáne Keıptaýndy (Ońtústik Afrıka) artqa tastap, 92-shi orynnan kórindi.

Sonymen qatar Almaty stýdentterge arnalǵan eń jaıly qala retinde alǵash ret 2022 jyly QS nazaryna ilikken. Degenmen bıyl ol birden 30 pozısııaǵa – 105-orynnan 75-orynǵa kóterilip, Gold-Kost (Avstralııa), Kaır (Mysyr) jáne Lesterdi (Ulybrıtanııa) artqa tastady.

Best Student Cities 2023 tizimine barlyǵy140 qala endi. Úzdik úsh stýdenttik qalany London (1-oryn), Mıýnhen (2) jáne Seýl men Tokıo (3) bastady.

Eske sala keteıik, bıyl bul reıtıngige birden 16 qazaqstandyq joǵary oqý orny endi, onyń ishinde L.N.Gýmılev atyndaǵy Eýrazııa ulttyq ýnıversıteti, S.Seıfýllın atyndaǵy Qazaq agrotehnıkalyq ýnıversıteti, Satbayev University jáne ál-Farabı atyndaǵy Qazaq ulttyq ýnıversıteti bar. Sońǵysy álemniń úzdik 150 ýnıversıtetiniń qataryna qosyldy.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz