Fýtbol • 02 Shilde, 2022

Fýtboldan Qazaqstan chempıonaty: «Aqtóbe» top jardy

43 ret kórsetildi

Fýtboldan Qazaqstan chempıonatynyń 16-týrynda Qaraǵandynyń «Shahteri» óz alańynda «Aqtóbemen» synasty, dep habarlaıdy Egemen.kz.

Aqtóbelikter munyń aldynda qatarynan úsh ret jeńiske jetken edi. Sonyń ishinde el chempıony Qostanaıdyń «Tobyly» men «Astanany» utty.

Aıta ketse, alań ıeleri sońǵy bes oıynnyń bireýinde ǵana jeńiske jetti. Bul - qazaqstandyq maman Vahıd Masýdovtyń «Shahterdiń» bas bapkeri retindegi alǵashqy matchy.

Birinshi taımda qaraǵandylyq Tımýr Dosmaǵambetov 12-mınýtta 11 metrlik aıyp dobyn múltiksiz oryndady. 47-mınýtta Roman Mýrtazaev esepti 2:0-ge jetkizdi.

Ekinshi taımda qonaqtar basymdylyq tanytty. T. Dosmaǵambetov óz alańynda qolmen oınaǵannan keıin Álibek Qasym 54-mınýtta penaltıden múlt ketken joq. Jerar Goý 75-mınýtta tarazy basyn teńestirse, 82-mınýtta «Aqtóbeniń» surmergeni Ýgo Vıdemont jeńis golyn soǵyp ketti. Esep - 3:2.

Osylaısha, 26 upaı jınaǵan Andreı Karpovıchtiń shákirtteri týrnır kestesinde birinshi orynǵa shyqty.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar