Qarjy • 04 Shilde, 2022

Bankter men krıptobırjalardyń yntymaqtastyǵy

22 ret kórsetildi

«Astana» halyqaralyq qarjy ortalyǵynda tirkelgen krıptobırjalar men Qazaqstannyń bankteri seriktestik baılanysty nyǵaıtý maqsatynda qanatqaqty jobany qolǵa aldy.

Atalǵan jobanyń iske qo­sylý rásimine Ulttyq bank­tiń, Sıfrlyq damý, ınnova­sııa­lar jáne aeroǵarysh óner­kási­bi mınıstrliginiń, sol se­kildi Qazaqstan qarjygerler qaýym­dastyǵynyń ókilderi qatys­ty. Jobada óz úlesin ıelengen bankterdiń qatarynda – «Eýrazııa­lyq bank», «Halyq banki» jáne Altyn Bank bar. Sondaı-aq buǵan AHQO quramynda tirkelgen krıptobırjalar men álemdik jáne qazaqstandyq krıpto-oıynshylar tartylǵan.

Krıptoındýstrııa men blokcheın tehnologııalaryn damytý is-sharalary aıasynda arnaıy jumys toby AHQO-ǵy krıptobırjalar men elimizdegi ekinshi deńgeıli bankterdiń ynty­maq­tastyǵyn kózdeıtin ereje­lerdi bekitken edi.

Sıfrlyq damý vıse mı­nıstri Jaslan Mádıevtiń aı­týynsha, Qazaqstannyń krıpto­hab­qa aınalýǵa múmkindigi jo­ǵary.

«Elimizde osy baǵytta adamı kapıtal qarqyndy damyp keledi. Sonymen qatar blokcheın tehnologııalaryn belsendi túrde ilgeriletip kelemiz. Qazir memlekettik qyzmet kórsetý salasynda blokcheındi engizip jatyrmyz», dedi J.Mádıev.

Bul joba bıyl qanatqaqty rejimde jumys isteıdi. Oǵan AHQO-nyń qarjylyq qyz­met­terdi retteý jónindegi k­o­mıte­tinen sıfrly aktıvter platformasyn basqarýǵa lısenzııasyn alǵan krıptobırjalar qatysa alady.

Qarjylyq monıtorıng agent­tiginiń qarjylyq monıto­rıng sýbektilerimen jumys júrgizý jónindegi de­pa­r­­tamen­tiniń basshysy Ǵa­bıt Lesbekov aıtqan­daı, sıfr­­ly júıeler – ortalyq­syz­­dandyrylǵan jáne tyń tehnologııalarǵa negizdelgen. Sondyqtan olardyń aqshany jylystatýda táýekeli joǵary. Al bank sektory aqshany jylys­tatýmen kúres baǵytynda bel­sendi qatysýshy sanalady.

«Barlyq kúdikti operasııa týraly aqparattyń 95%-yn ekinshi deńgeıli bankterden alamyz. Olardyń bul máselede tekserý júıesi sapaly túrde jol­ǵa qoıylǵan. Tek sıfrly teh­nologııalardyń erek­shelikterin meńgerý kerek. Bizdiń barlyq stan­dartymyzdy saqtaı otyra bankterge operasııalardy júzege asyrýǵa asa qıyndyqtar týyn­damaıdy dep sanaımyz. Osy joba krıptoındýstrııany odan ári damytyp, Qazaqstannyń ın­vestısııalyq tartymdylyǵyn art­tyrý úshin úlken serpin be­redi dep úmittenemiz», dedi Ǵ.Les­bekov.

Atalǵan jobanyń taǵy bir artyqshylyǵy – sıfrly aktıvter saýdasyn uıymdastyrý. Bul óz kezeginde bólshek jáne kásibı ınvestorlardyń quqyqtaryn qorǵaýdy qamtamasyz etedi. Osy jumys tabysty iske asy­rylǵan jaǵdaıda ulttyq zańnamaǵa jáne AHQO akti­lerine ózgerister engiziledi dep kózdelip otyr.

AHQO Qarjy uıymdaryn retteý komıtetiniń (AFSA) bas dırektory Nurhat Kóshimovtiń sózine súıensek, krıptobırjalar iske qosylǵan kezeńnen bas­tap memlekettik organdar men retteýshi uıymdar tyǵyz baıla­nysta jumys isteýge kiristi. Bul jobanyń sátti júzege asaty­ndy­ǵynyń belgisi deıdi.

«Bank sektory krıptoındýstrııany sapaly komplaens pen júıelermen qamtamasyz etedi. Bul qorǵaýdyń qosymsha júıesi. Krıptobırjalar men bankter barynsha tıimdi ekenin kórsetýi kerek. Sıfrly aktıvter endi qarqyn ala bastaǵan baǵyt, sondyqtan biz áriptesterimizben únemi pikir almasyp, birlesip jumys isteýge ázirmiz. Al retteý­ge keler bolsaq, naryqty ýysymyzdan shyǵaryp almaýymyz qajet», dedi N.Kóshimov.

Sońǵy jańalyqtar

Uqsas jańalyqtar