Qazaq – qarııasyn syılaǵan halyq. «Qarty bar úıdiń qazynasy bar» degen ataly sóz de ulttyq ustynǵa aınalǵaly qashan?! Desek te, búginde qoǵamda Balalar úıiniń de, Qarttar úıiniń de turǵyndary jyl ótken saıyn kóbeıip keledi.
Shyǵarmashylyq ujymnyń uıymdastyrǵan ánderinen qarttardyń kóńili kóterilip, bir ýaqyt sergip qaldy. Tipti aqsaqaldy atalar aq jaýlyqty analarymyzdy ortaǵa valske shaqyryp, keshti qyzdyra tústi.
Mýzykalyq jas kórermen teatrynyń qyz-jigitteri Sabyrhan Asanovtyń sózine Shámshi Qaldaıaqovtyń áni jazylǵan «Saǵynyshym meniń» ánin hormen bastap, Muhtar Shahanovtyń sózine jazylǵan «Arystyń jaǵasynda» ánimen jalǵastyrdy. Bul ánderge birge qosylyp shyrqamaǵan qarııalar qalmady. Sonaý alys-alys beles, qyrattarda qalǵan jastyq shaqtary eske túsken bolar, kóbisi kózde-
rine jas aldy. Júrek tolqıdy.
Kesh sońynda áleýmettik qyzmet kórsetý ortalyǵynyń qarııalary jastarǵa aq jarma tilekterin aıtyp, batasyn berip, qımastyqpen qoshtasty.
