Teatr • 06 Shilde, 2022

«Astana Operamen» dos bolaıyq

30 ret kórsetildi

Kez kelgen óner tyńdaýshysymen, oqýshysymen, kórermenimen qymbat. Teatr da solaı. Esterińizde bolsa, az ýaqyt buryn «Astana Opera» teatry kórermenmen etene jaqyn aralasýǵa hám shyǵarmashylyq orta qurýǵa baǵyttalǵan arnaıy «Dostar klýby» jobasyn bastaǵan edi. Búginde teatr qabyrǵasyndaǵy tyń jobaǵa qyzyǵýshylar men qatysýshylar kóbeıip keledi. Ásirese elorda turǵyndary asa belsendi. Sondaı-aq kórermenge teatr tynysynan habar beretin ıgi jobany damytýǵa, qoldaýǵa da­ıyn kompanııa ókilderi, onyń ishinde sheteldikter de qosylýda.

Teatr ómiri, tek opera, balet, konsert­termen shektelmeıdi. О́ner ordasynda bir­­qatar áleýmettik joba iske asyry­lyp, elorda mektepterimen aýqymdy ju­mys­tar júrgizilip, sahna syrtyndaǵy shyǵar­­mashylyq ómirge de saıahat uıymdas­tyrylýda. Osy oraıda «Dostar klýbyn» qurý mádenı ári tanymdyq is-sharalardyń sanyn kóbeıtetinin anyq kórsetip otyr.

Aıta keteıik, klýbqa ený rásimi óte ońaı: kez kelgen kórermen ótinish-saýalda­many toltyryp, ol maquldanyp, jarna tólengennen keıin, teatr dosy «Dos», «Qurmetti dos», «Áriptes», «Demeýshi» sekildi múshelik sanatyna qaraı beriletin jeńildikter týraly málimetteri bar ataýly klýb kartasyn alady.

– Mundaı birlestikter álemge tanymal kóptegen teatrda bar. «Astana Operanyń» «Dostar klýbyna» múshe bolýy jumbaq teatr álemine jaqyndaı túsýge, onyń ómirine belsendi aralasý­ǵa, sondaı-aq elimiz ben qalamyzdyń mádenı ıgiligin arttyrý, saqtaý isine óz úlesińdi qosýǵa múmkindik beredi, – deıdi «Astana Opera» dırektorynyń orynbasary Aıjan Qurmanǵalıeva. – Bizdiń bastamamyzǵa ún qatqan barsha jan­ǵa úlken alǵysymdy bildirgim keledi. Teatr men kórermenderdiń ózara tıimdi yntymaqtastyǵy ónerdi qadirleıtinderge syrttan baqylap turýshy ǵana emes, sony­men birge teatrdyń jobalary men baǵda­rlamalarynyń belsendi qatysý­shysy bolýǵa jaǵdaı jasaıdy.

 «Teatr dosynyń» jeńildikteri qataryna jeke menedjeriniń bolýy, basty daıyndyqtar men eksklıýzıvti is-sharalarǵa shaqyrý bıletin alý múmkindigi, repertýarlyq jospardyń ashyqtyǵy, sahna syrtyna saıahat jasaý sekildi basqa da artyqshylyqtar kiredi.

Budan bólek, «Qurmetti dos» ataǵy qoıylymdyq top múshelerimen jeke tanystyq, qoltańba alý túrindegi eksklıýzıvterge múmkindik beredi.

Al «Áriptes» pen «Demeýshiniń» artyqshylyq aıasy budan da keń. Olar resmı kezdesý ótkizý, qol qoıý úshin teatr ǵımaratyn paıdalaný, jylyna eki ret afıshalarda óz logotıpterin or­nalastyrý sekildi basqa da quqyqtar­ǵa ıe.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar