Bilim • 06 Shilde, 2022

Pedagogıkalyq ǵylymdarǵa 11 myńǵa jýyq grant bólindi

270 ret kórsetildi

2022-2023 oqý jylyna arnalǵan bilim berý granttaryn bólý tizimi jarııalandy, dep habarlaıdy Egemen.kz.

Ǵylym jáne joǵary bilim mınıstrliginiń málimetinshe, granttardyń basym bóligi ınjenerlik, óńdeý, qurylys salalaryna bólingen, olardyń sany 17 794-ti quraıdy.

«Al pedagogıkalyq ǵylymdarǵa – 10 810 grant, aqparattyq-kommýnıkasııalyq tehnologııalar salasyna – 9 103 grant, jaratylystaný ǵylymdary, matematıka jáne statıstıka baǵytyna 6 288 grant tıesili. Sondaı-aq, tehnıkalyq baǵyttarǵa erekshe nazar aýdarylyp, memlekettik tapsyrystyń úlesi 60%-ǵa deıin ulǵaıdy. Bakalavrıatqa 2022-2023 oqý jylynda 73 myńǵa jýyq grant bólindi», dep jazylǵan vedomstvo aqparatynda.

Aıta ketsek, halyqtyń áleýmettik osal toptarynan shyqqan balalar úshin kvotalar sany edáýir artqan. Kóp balaly nemese tolyq emes otbasylardan shyqqan balalar, sondaı-aq erekshe qajettilikteri bar balalardy tárbıelep otyrǵan otbasylardaǵy talapkerler grant alý úshin kóbirek múmkindikterge ıe bolady.

«Bıyl alǵash ret Memleket basshysynyń tapsyrmasy boıynsha bilim berý grantynyń jańa túri anyqtaldy: «Halyqtyń tyǵyz ornalasqan jáne batys óńirleriniń jastarynyń jetekshi joǵary oqýoryndarynda oqýǵa arnalǵan maqsatty bilim berý granty» - Atyraý jáne Mańǵystaý oblystarynyń 10 myń talapkerine joǵary oqý oryndarynda bilim alý úshin maqsatty granttar alýǵa múmkindik beredi. Maqsatty «Atyraý-Mańǵystaý» grantyna konkýrsqa aǵymdaǵy jyldyń mektep túlekteri qatysa alady. Bul rette olar bir ýaqytta jalpy konkýrsqa, onyń ishinde «Serpin» baıqaýyna qatysa almaıdy», delingen mınıstrlik habarlamasynda.

Ulttyq testileý ortalyǵynyń dırektory Rýslan Emelbaevtyń málimetinshe, bilim granttary, onyń ishinde «Atyraý-Mańǵystaý» maqsatty grant sanynyń artýyna baılanysty búgin tizim jarııalanǵan.

«Memleket basshysynyń tapsyrmasy boıynsha barlyq granttyń 60% tehnıkalyq mamandyqtarǵa bólindi. Talapkerler berilgen aqparat negizinde durys tańdaý jasaıdy dep senemin», dedi ol.

Magıstratýraǵa túsýge 13 myńnan astam, doktorantýraǵa túsýge 1800-den astam grant bólingen.

2022-2023 oqý jylyna arnalǵan bilim berý granttaryn bólýdiń tolyq tizimi Bilim jáne ǵylym mınıstrligi Ulttyq testileý ortalyǵynyń saıtynda jarııalanǵan.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar