ANTIKOR • 07 Shilde, 2022

Antıkor Larısa Paktyń ólimine qatysty tergeýdi bastady

29 ret kórsetildi

Sybaılas jemqorlyqqa qarsy qyzmet Densaýlyq saqtaý mınıstrligi Farmasııa komıteti burynǵy tóraǵasynyń mindetin atqarýshy Larısa Pakqa qatysty qylmystyq isti tergeýge qatysqan Sybaılas jemqorlyqqa qarsy is-qımyl ulttyq bıýrosynyń burynǵy qyzmetkerleriniń ruqsat etilmegen tergeý ádisterin qoldaný faktisi boıynsha sotqa deıingi tergeýdi bastady, dep habarlaıdy Egemen.kz.

Vedomstvonyń málimetinshe, 2017 jyldan bastap 2018 jylǵa deıingi kezeńde tergeý-jedel toby qylmystyq isti tergegen. Ol keıinnen qylmys quramynyń bolmaýyna baılanysty toqtatylǵan.

«2019 jyldyń 6 shildesinde is boıynsha kúdikti L.Pak qaıtys boldy. 2020 jyldyń 7 jeltoqsanynda Sybaılas jemqorlyqqa qarsy is-qımyl agenttigi Larısa Paktyń áreketterinde qylmys quramynyń bolmaýyna baılanysty tolyq aqtalǵanyn habarlady. Osy múmkindikti paıdalana otyryp, Sybaılas jemqorlyqqa qarsy is-qımyl agenttigi taratylǵan sybaılas jemqorlyqqa qarsy is-qımyl ulttyq bıýrosynyń quqyqtyq murageri retinde Larısa Iýn-Boıevna Paktyń týystaryna qaıǵyryp kóńil aıtady jáne keltirilgen zııan úshin resmı keshirim suraıdy», dep jazdy agenttik.

Tergeý áli jalǵasyp jatyr. О́zge aqparat tergeý múddesine saı jarııa etýge jatpaıdy.

 

Uqsas jańalyqtar