Mamandardyń boljamyna sáıkes, Aqmola oblysynyń Qorǵaljyn aýdanynda, Aqtóbe oblysynyń Áıteke bı jáne Hromtaý aýdandarynda, Almaty oblysynyń Alakól aýdanynda, Qaraǵandy oblysynyń Nura jáne Qarqaraly aýdandarynda, Qostanaı oblysynyń Amangeldi jáne Jangeldi aýdandarynda, Mańǵystaý oblysynyń Beıneý jáne Mańǵystaý aýdandarynda, Abaı oblysynyń Semeı mańynda jáne Qyzylorda oblysynyń basym bóliginde jaýyn-shashyn tapshylyǵy kútiledi.
Sondaı-aq qurǵaqshylyq Qyzylorda oblysynyń Qarmaqshy aýdanynda jáne Mańǵystaý oblysynyń Qaraqııa aýdanynda da bolady dep boljanýda.
«Elimizdiń qalǵan aýmaqtarynda ylǵaldaný jaǵdaıy normaǵa jaqyn, al Atyraý, Aqtóbe, Almaty, Batys Qazaqstan oblystarynyń jekelegen aýdandarynda tipten ońtaıly bolady», deıdi «Qazgıdromet» RMK sınoptıkteri.
