Kúni keshe ǵana atalǵan jarystyń negizgi kezeńiniń jerebesi tartyldy. «A» tobyna túsken el chempıony – «Qaırat» irikteý synynda Fransııanyń «Sportıngi», Belgııanyń «Anderlehti» jáne Ispanııanyń «Malorkasymen» kúsh synasady. Bul básekeler Brıýsselde ótedi. El birinshiliginiń kúmis júldegeri – «Aıat» «V» tobynda oınaıdy. Rýdnyılyqtardyń qarsylastary – Horvatııanyń «Novo Vrıeme», Portýgalııanyń «Sportıng» jáne Horvatııanyń «Pýlo» klýbtary. Olar Zagrebte sheberlik baıqasady. Ár topta alǵashqy úsh oryndy ıelengen komanda Elıtalyq kezeńge joldama alady. Bul básekeler 25-30 qazan aralyǵynda ótedi. Al úzdikter saıysyn qarasha aıynyń sońynda tamashalaımyz. Osy synaqtardan súrinbeı ótken klýbtar kelesi jyldyń kókteminde bas júldeni ózara sarapqa salady.
