Solardyń biri – «Nurly jol» memlekettik baǵdarlamasymen respýblıkalyq bıýdjetten bólingen qarjyǵa áleýmettik osal toptaǵy azamattar úshin salynyp jatqan kópqabatty kommýnaldyq turǵyn úıler. Merdigerler men áleýmettik nysandar qurylysyna jaýapty jergilikti mekeme basshylary depýtattarǵa nysandar qurylysy barysy men týyndaǵan kedergilerdi baıandady.
Aqtóbe qalasyndaǵy «Nur-Aqtóbe» shaǵyn aýdanynda toǵyz qabatty bes kóp páterlik turǵyn úı qurylysy júrip jatyr. Munda eki jáne úsh bólmeli 1425 páter bar. Qazir osy úılerdiń qurylysy aıaqtalýǵa jaqyn, páterlerdiń ishki árleý jumystary bastalǵan. Bes úıdiń bas merdigeri «Aqtóbe sáýlet»» JShS dırektory Azamat Jangereev byltyr bastalǵan qurylystyń osy kezge deıin irkilissiz júrip jatqanyn, endi bir aıdan keıin eki úıdi tapsyrýǵa daıyn ekendigin málimdedi. Seriktestik dırektory qurylys materıaldarynyń qymbattaýynan qıyndyq kórip otyrǵanyn jasyrmady.
«Bıyl jyl sońyna deıin 25 myń sharshy metr turǵyn úıdi tapsyramyz dep otyrmyz. Alaıda qurylys materıaldarynyń baǵasy ushyp tur, sonyń ishinde syrttan tasymaldanatyn árleýshi materıaldardyń baǵasy byltyrǵymen salyctyrǵanda eki ese qymbattady. Qazirgi naryqta osy qurylystardyń jobalaý-smetalyq qujattarynda kórsetilgen baǵa joq. Sol sebepti Májilis depýtattarynan respýblıkadan qosymsha qarjy bólýge kómektesýdi surap otyrmyz», dedi A.Jangereev.
О́tken jyldary Aqtóbe oblysy boıynsha memlekettik baǵdarlamamen salynǵan 300-den astam bir bólmeli páterler áli kúnge deıin bos tur. О́ıtkeni úı kezegine turǵandar tarapynan bir bólmeli úılerge suranys bolmady. Sondyqtan da jyl basynda 530 bir bólmeli páterdiń qarjysy memlekettik baǵdarlama boıynsha salynatyn kópqabatty paneldi úılerdegi eki-úsh bólmeli páter qurylysyna qaıta bólingen edi.
Aıta ketý kerek, oblys boıynsha osy jyldyń sońyna deıin 1 mıllıon 200 myń sharshy metr turǵyn úı paıdalanýǵa beriledi. Sonymen qatar óńirimizde 14 mektep qurylysy júrip jatyr.
Aqtóbe oblysy
