QR Syrtqy ister mınıstrligi baspasóz qyzmetiniń habarlaýynsha, atalǵan joba Reseıde turyp jatqan Qazaqstan azamattaryna Qazan, Omby, Sankt-Peterbýrg jáne Astrahan qalalaryndaǵy QR konsýldyq mekemeleri arqyly pasportty 80 kúnniń ornyna 30 kún ishinde resimdeýge múmkindik beredi.
«Búgingi tańda elektrondyq qujattandyrý júıesi Qazaqstannyń BAÁ (Ábý-Dabı, Dýbaı qalalary), Germanııa (Berlın, Maındaǵy Frankfýrt, Mıýnhen, Gannover qalalary), Koreıa Respýblıkasy (Seýl), Reseı (Máskeý), AQSh (Vashıngton, Nıý-Iork, San-Fransısko qalalary), О́zbekstan (Tashkent), Japonııa (Tokıo) men Túrkııadaǵy (Ankara, Ystanbul, Antalıa qalalary) sheteldik mekemelerinde sátti jumys isteıdi», delingen habarlamada.
